Դարբին, Կարաբալա, զենքեր ու զինագործներ, մոմակալներ, ջահեր. հին երևանյան կենցաղի այս նմուշների կողքին նաև նոր Երևանն է՝ նոր զենքերով, Կարաբալայի նորաձույլ մետաղե արձանով, Երևանի սրտում արարող դարբնով ու բացօթյա դարբնոցով, այդ ամենով հիացող նորօրյա երևանցիներով:
Իր սիրելի մայրաքաղաքի 2798-ամյակը տոնող երևանցին չի կարող չհիշել նաև քաղաքի զարգացման ուղին: Այն քաղաքի, որի սրտում դեռևս 100 տարի առաջ բոցկլտում էին դարբինների կրակները, որոնց թեժ լեզվակներից ծնվում էին երևանցու ամենօրյա կենցաղի առարկաներն ու օտարների ոտնձգությունից պաշտպանող զենքերը: