բոլոր նորությունները
Լուսանկարներ

Շաբաթվա մարդիկ. դեսպանը, գրողը, երաժիշտն ու այլք երազանքի և իրականության արանքում

© Sputnik / Asatur YesayantsԱնահիտ Բաղդասարյան<br /><br />Մասնագիտությամբ լրագրող է: Շուրջ մեկ տարի է աշխատում է IT ընկերությունում որպես մամուլի խոսնակ, իսկ վերջին ամիսներին նաև միջոցառումների կազմակերպիչ է: <br /><br />-Մանկությանս մեծ երազանքն է եղել դառնալ հագուստի դիզայներ-մոդելավորող. իմ տիկնիկն ամենաշատ զգեստներն ուներ:<br /><br />Ապագայում ցանկանում է հաղորդակցության կամ կազմակերպչական ոլորտում լինել, որտեղ կա շատ շփում:
© Sputnik / Asatur YesayantsԳոռ Շահբազյան<br /><br />2010 թ-ին ավարտել է Երևանի գեղարվեստի պետական ակադեմիայի արդյունաբերական դիզայնի բաժինը: 2014 թ.-ից զբաղվում է նորածինների կահույքի արտադրությամբ: Այս ամենին զուգահեռ ներգրավված է «The Lab» նախագծում, որը միտված է խթանել հայկական արդյունաբերությունը: Որպես օրինակ վերջերս ներկայացրել են Cribby կոչվող բազմաֆունկցիոնալ օրորոցը, որը կարելի է կարգավորել սմարթֆոնի միջոցով:<br /><br />-3-4 տարեկանից սկսեցի հաճախել Իգիթյանի դպրոցն ու, կարծում եմ, հենց այդտեղ ամեն ինչ որոշվեց: Իսկ 15 տարեկանում արդեն հստակ որոշել էի, որ դիզայներ պիտի դառնամ:<br /><br />Ապագայում ցանկանում է այնքան զարգացնել սեփական գործը` woolic cribs-ը (նորածինների էկոլոգիապես մաքուր կահույքի արտադրություն), որ դառնա համաշխարհային բորսայի (IPO) մի մաս: <br />
© Sputnik / Asatur YesayantsԺասյա Գրիգորյան<br /><br />2012 թ-ին ավարտել է ԵՊՀ ռուս բանասիրության ֆակուլտետը: Այժմ ձեռագործ աքսեսուարներ է պատրաստում:<br /><br />-Երբ փոքր էի, ցանկանում էի դաշնակահար դառնալ:<br /><br />Ապագայում ցանկանում է իր սեփական խանութների ցանցն ունենալ ամբողջ աշխարհում:
© Sputnik / Asatur YesayantsՍյունե Սևադա <br /><br />2016 թ-ին ավարտել է ԵՊՀ-ի ժուռնալիստիկայի ֆակուլտետը: Շուրջ 7 տարի է պատմվածքներ է գրում, հաջորդ տարի լույս կտեսնի իր առաջին ժողովածուն:<br /><br />-Փոքր տարիքում երազում էի դառնալ «ամեն ինչ», համարում եմ, որ երազանքս կատարվել է, քանի որ գրականության շնորհիվ կարող եմ ցանկացած կերպարի մեջ մտնել։ <br /><br />Ապագայում ցանկանում է, որ գրած գրքերը թարգմանվեն այլ լեզուներով, փորձել աշխարհի բոլոր համերի պաղպաղակներն ու պանիրները, մասնակցել սիրած ռոք խմբերից որոշների (որոնք հնարավոր է) համերգներին, սեփական աչքերով տեսնել Միքելանջելոյի «Դավիթը»։<br />
© Sputnik / Asatur YesayantsԺոնաթան Լակոտ<br /><br />1993 թ.-ին ավարտել է Փարիզի քաղաքագիտության համալսարանը, ապա արևելյան լեզուների ինստիտուտը:<br /><br />1998 թ.-ից սկսել է աշխատել որպես դիվանագետ: Այժմ, արդեն 2 ամիս է, Հայաստանում Ֆրանսիայի արտակարգ և լիազոր դեսպանն է:<br /><br />-Երբ փոքր էի, մտածում էի լինել թե՛ հրշեջ, թե՛ ինժեներ, բայց, երևի, ամենաշատը ցանկանում էի դառնալ օդաչու, որ շատ ճանապարհորդեմ:<br /><br />Ապագայում ցանկանում է հնարավորինս մոտիկ լինել համաշխարհային գլոբալիզացիայի թրենդերին և գրքեր գրել. «Նվազագույնը էսսեներ կամ, եթե տաղանդս ների` նովելներ»: <br /><br /> 
© Sputnik / Asatur YesayantsՄերի Մամյան<br /><br />Ուսանել է ԵՊՀ ժուռնալիստիկայի ֆակուլտետում: 2014 թ-ին ավարտել է նույն համալսարանի միջազգային հարաբերությունների ֆակուլտետի քաղաքագիտության բաժնի մագիստրատուրան: Շուրջ 1 տարի է աշխատում է «ԿԱԶԱ» շվեյցարական մարդասիրական հիմնադրամում որպես կոորդինատոր:<br /><br />-Երբ փոքր էի, ցանկանում էի գրող լինել: Մտածում էի` ոչ հետաքրքիր գեղարվեստական պատմություններ եմ գրելու:<br /><br />Ապագայում ցանկանում է ամբողջ աշխարհով ճանապարհորդել:
© Sputnik / Asatur YesayantsՀայկ Կարոյի Կարապետյան<br /><br />2012 թ-ին ավարտել է Երևանի Կոմիտասի անվան պետական կոնսերվատորիայի ժող գործիքների բաժինը: Ժամանակին զբաղվել է պրոֆեսիոնալ ֆուտբոլով: Շուրջ 13 տարի է երաժշտական ասպարեզում է: Ձայնագրել է 2 ալբոմ` «Մեր թվարկությունից հետո» և «Երևան մուսաների քաղաք»: <br /><br />-Չեմ հիշում, թե ինչ էի ցանկանում դառնալ, երբ փոքր էի: Երևի ֆուտբոլիստ:<br /><br />Ապագայում ցանկանում է երաժշտության մեջ փոփոխություն մտցնել, խորը հետք թողնել ասպարեզում ու մեծ լսարան ունենալ:
Ստանալ կարճ հղումը

Sputnik Արմենիան շարունակում է «Շաբաթվա մարդիկ» նախագիծը, որի շրջանակում լուսանկարիչ Ասատուր Եսայանի դիտակետում հայտնվում են ամենատարբեր մարդիկ՝ հետաքրքիր արտաքինով ու երազանքներով: