Հայաստանի նոր խորհրդարանն անցկացրեց առաջին նիստը։ Առաջինը ելույթ ունեցավ Ամենայն Հայոց Կաթողիկոս Գարեգին Երկրորդը, այնուհետև` Հայաստանի նախագահ Արմեն Սարգսյանը։ Առաջին նիստում խոսնակ ընտրեցին Արարատ Միրզոյանին։
Այստեղ ամեն հինգ պատգամավորներից չորսը նոր մարդիկ են։ Բայց արդեն առաջին օրը նրանք լավ են կողմնորոշվում ոլոր–մոլոր միջանցքներում. ոչ ոք ճանապարհը չի հարցնում հնաբնակ գործընկերներից։
Առաջին օրը պատգամավորները գրեթե չէին շփվում այլ խմբակցությունների գործընկերների հետ. շատերն առայժմ անծանոթ են։