«Բարի գալուստ Արցախ» ցուցանակը դեռ ողջունում է Քարվաճառ մտնող–դուրս եկողներին` մի փոքր զարմացած մարդկանց իրարանցումից։ Sputnik Արմենիայի թղթակիցն այցելել է Քարվաճառ ու ֆիքսել` ինչ է տեղի ունենում դեռ հայերով լեցուն քաղաքում։
Ընդամենը երեք օրից Քարվաճառը հանձնելու են ադրբեջանական կողմին։ Տեղի բնակիչները փորձում են իրենց ունեցվածքը դուրս բերել քաղաքից, իսկ որոշները նաև այրում են իրենց տները, որպեսզի այն չմնա թշնամուն։ Քարվաճառի ճանապարհներին տեղ–տեղ երևում են կիսամարվող հրդեհներ, ինչպես նաև զինամթերք։
Քարվաճառ տանող ճանապարհին նաև շտապօգնության մեքենաներ են նկատվում։
Ըստ ՀՀ վարչապետի, Ադրբեջանի և Ռուսաստանի նախագահների ստորագրած հայտարարության` նոյեմբերի 15-ին Քարվաճառը պետք է փոխանցվի Ադրբեջանին։