Արսեն Թորոսյան
Ваш браузер не поддерживает HTML5 аудио
Հայաստանում կոռումպացված համակարգը ստիպել է նոր կառավարության նախարարներին աշխատել քննիչների հետ, չորեքշաբթի լրագրողներին ասաց առողջապահության նախարար Արսեն Թորոսյանը։
Նախարարը նշեց, որ Հայաստանում կոռուպցիայի խնդիրը գլոբալ է դարձել ոչ միայն առողջապահության ոլորտում, այլ նաև մյուս բոլոր ոլորտներում։
«Մենք հիմա ստուգումներ ենք իրականացնում, տարբեր փաստաթղթեր ուղարկում տարբեր մարմիններ», — ասաց Թորոսյանը` պատասխանելով Sputnik Արմենիայի հարցին։
Նախարարը նշեց, որ սին մեղադրանքներ չեն լինի, կոռուպցիոներների անունները կհայտարարվեն միայն այն ժամանակ, երբ ղեկավարությունը կոնկրետ փաստեր և ապացույցներ կունենա։
«Հիմա մենք կարող ենք նշել կոնկրետ մարդկանց անունները, որոնց գործունեությունը մեզ հայտնի է։ Բայց մենք ուզում ենք կառուցել իրավական պետություն, այլ ոչ թե վենդետա իրականացնել», — ասաց գերատեսչության ղեկավարը։
Հիմա ստուգումներ են անցկացվում տարբեր հաստատություններում, մասնավորապես, առողջապահության պետական գործակալությունում։ Արդյունքները կուղղորդվեն ԱԱԾ։
«Հիմա չկան խոչընդոտող հանգամանքներ, ոչ մի բան մեզ չի խանգարում ընթացք տալ այդ գործին», — նշեց նախարարը։
Նա չբացառեց կադրային փոփոխությունների և հեռացումների հնարավորությունը, իսկ եթե հիմնավորումներ լինեն, ապա կհարուցվեն քրեական գործեր։
Թորոսյանը հավելեց, որ ստուգումների մանրամասներն ավելի ուշ կհրապարակվեն։