Գրիգորյան «Տավուշի մարզում ծառահատման ապօրինի դեպքերը հասցվել են նվազագույնի»
Ваш браузер не поддерживает HTML5 аудио
ՀՀ Տավուշի մարզպետի անվտանգության գծով խորհրդական Նիկոլայ Գրիգորյանը Sputnik Արմենիայի հետ զրույցում խոսել է ապօրինի ծառահատումների դեմ պայքարի և մարզային նոր ծրագրերի իրագործման մասին։
Ըստ Նիկոլայ Գրիգորյանի՝ ապօրինի ծառահատումների դեմ պայքարը չի ավարտվել։
«Մարզպետն ամեն օր հետևում է ոստիկանության տեղեկագրերին և անմիջական կապի մեջ է իրավապահ մարմինների հետ»,-վստահեցնում է Գրիգորյանը։
Մարզպետի խորհրդականը հավաստիացնում է, որ ապօրինի ծառահատումները կանխելու, բացահայտելու ուղղությամբ ստուգումները շարունակվում են։
«Ուժեղացված ծառայություն է իրականացվում մարզի հանգուցային ավտոճանապարհներին վրա և պետք է նշել, որ ծառահատման ապօրինի դեպքերը հասցվել են նվազագույնի»,-ասում է մարզպետի խորհրդականը։
Նիկոլայ Գրիգորյանը փաստում է, որ յուրաքանչյուր օրվա ընթացքում ստուգումներով արձանագրվում է 2-3 դեպք։ «Նախկինում այդ թվերը տասնյակ անգամներով ավելի մեծ էին, և դժվար էր այդ ամենը վերահսկել, քանի որ համատարած բնույթ էր կրում, ու ծառերի սպանդ էր իրականացվում»,-ընդգծում է նա:
Ո՞վ է թիկունքից ղեկավարում անտառահատումների անօրինական ցանցը. Փաշինյանը բացում է փակագծերը
Նրա խոսքով, իրավապահներն այսօր հետևողական պայքար են տանում անտառագողերի դեմ։ Ըստ Տավուշի մարզպետի անվտանգության գծով խորհրդական Նիկոլայ Գրիգորյանի՝ անտառագողերի դեմ պայքարը համակարգի դեմ պայքար է։