ԵՐԵՎԱՆ, 18 փետրվարի — Sputnik. Մի քանի մարդ կարող էր փրկվել Իրանում տեղի ունեցած ավիավթարից, հաղորդում է ՌԻԱ Նովոստին՝ հղում անելով Press TV-ին։
Փետրվարի 18-ին իրանական Սպահան նահանգում կործանվել է ուղևորատար ինքնաթիռ։
Իրանական ԶԼՄ-ների տվյալներով՝ ավիավթարի ականատեսները պնդում են, որ տեսել են՝ ինչպես է օդանավը փորձել արտակարգ վայրէջք կատարել ֆերմաների շրջանում։ Մի քանի ականատեսներ հայտարարել են, որ մի քանի մարդ կարող էր փրկված լինել։
Թեհրան-Յասուջ չվերթն իրականացնող ուղևորատար ինքնաթիռը վթարի է ենթարկվել Սեմիրոմ քաղաքի շրջանում։ Տարբեր տվյալներով՝ ինքնաթիռում եղել է 60-100 մարդ։