ԵՐԵՎԱՆ, 18 փետրվարի — Sputnik. Հայաստանի արտգործնախարարությունը փորձում է պարզել, թե Iran Aseman Airlines ավիաընկերության ATR 72 կործանված ինքնաթիռում եղե՞լ են արդյոք Հայաստանի քաղաքացիներ։
Այդ մասին Sputnik Արմենիային ասաց Հայաստանի ԱԳՆ մամուլի քարտուղար Տիգրան Բալայանը։
Փետրվարի 18-ին Թեհրան-Յասուջ չվերթն իրականացնող ուղևորատար ինքնաթիռը վթարի է ենթարկվել Սեմիրոմ քաղաքի շրջանում։ Տարբեր տվյալներով՝ ինքնաթիռում եղել է 60-100 մարդ։