ԵՐԵՎԱՆ, 27 դեկտեմբերի — Sputnik. Սև ծովում կործանված Տու-154 օդանավի երկրորդ սև արկղը հայտնաբերել են և հանել ծովի հատակից։ Այս մասին հայտնում է ՌԴ պաշտպանության նախարարությունը։
«Կես ժամ առաջ հայտնաբերվել և բարձրացվել է Տու-154 օդանավի երկրորդ սև արկղը»,- ասված է հաղորդագրության մեջ։
Իրավիճակին ծանոթ աղբյուրը հայտնել է, որ առաջին սարքի տվյալների վերլուծությունը թույլ է տալիս նվազեցնել վթարի պատճառների ցանկը, բայց ամբողջ տեղեկությունը դեռ հավաքված չէ, եզրակացություններ անելը վաղաժամ է։