ԵՐԵՎԱՆ, 30 օգոստոսի — Sputnik. Այսօր` օգոստոսի 30–ին, Ռուսական առաջին ալիքի լրագրող, Ստավրոպոլում ծնված 29-ամյա Աննա Կուրբատովային առևանգել են Կիևում։ Այս մասին հայտնում է ՌԻԱ Նովոստին` հղում անելով հեռուստաընկերության մամուլի ծառայությանը։
Նախօրեին հայտնի է դարձել, որ Կուրբատովան հայտնվել է ուկրաինական «Միրոտվորեց» սկանդալային կայքի տվյալների բազայում։ Կայքի հեղինակները մեղադրել են լրագրողին «տեղեկատվական մանիպուլյացիաների» և Ուկրաինայի անկախության օրվան նվիրված շքերթի մասին «կանխակալ սյուժե» նախապատրաստելու համար։
ԶԼՄ–ների տվյալով` ավելի վաղ նրա հասցեին սպառնալիքներ են հնչել Ուկրաինայում տեղի ունեցող դեպքերի լուսաբանման համար։
2016 թվականին Աննա Կուրբատովան «Ճշմարտություն և արդարություն» համառուսաստանյան մեդիաֆորումի մրցանակի դափնեկիր էր դարձել։