ԵՐԵՎԱՆ, 30 հուլիսի — Sputnik. Թագուհի Ստեփանյանի խոսքով՝ բժիշկ Սալվադոր Խեչոյանը հուլիսի 29-ին Ոստիկանության պարեկապահակային ծառայության (ՊՊԾ) գնդի տարածքում վիրավորված երկու անձանց ուղեկցել է հիվանդանոց և այլևս չի վերադարձել ՊՊԾ գնդի տարածք:
ՊՊԾ գնդից «Էրեբունի» հիվանդանոց տեղափոխված «Սասնա ծռեր» խմբի անդամներն են Արմեն Լամբարյանն ու Արթուր Մելքոնյանը, ովքեր հրազենային վնասվածքներ էին ստացել:
Հիշեցնենք, որ ՊՊԾ գնդում գտնվող 4 բժիշկներից նույն օրն ազատ էր արձակվել նաև Դավիթ Տոնոյանը: ՊՊԾ գնդի տարածքում այժմ գտնվում են շտապօգնության բժիշկ Նորայր Թևանյանն ու բուժքույր Մալինա Մարգարյանը: