ԵՐԵՎԱՆ, 18 Նոյեմբեր — Sputnik. «Ժամանակ» թերթը գրում է. «Զոհված և վիրավորված զինծառայողների համար ստեղծված ապահովագրական հիմնադրամի շուրջ մեծ աղմուկ է հասունանում։ Հիմնադրամի հոգաբարձուների խորհրդի նիստերի ժամանակ վեճեր են ծավալվում։
«Չնայած եռամսյակային հաշվետվություններում գումարների շրջանառության հետ կապված թվերը կարգավորված են ներկայացվում, բայց, իրականում, պատկերն այլ է»:,- գրում է թերթը։
«Ժամանակ»-ի տեղեկություններով՝ հնչում են նաև մտահոգություններ, որ մի քանի միլիոնի չարաշահումներ են տեղի ունենում, ըստ էության՝ 1000 դրամները շատ դեպքերում զարտուղի ճանապարհներով չեն հասնում իրենց շահառուներին։