ԵՐԵՎԱՆ, մայիսի 1 — Sputnik. Ընդդիմադիր պատգամավոր Նիկոլ Փաշինյանի նախաձեռնած բողոքի ակցիաների մասնակիցները փակել են «Զվարթնոց» օդանավակայանի ճանապարհը։
©
Sputnik / Asatur Yesayants
Մոտ երկու տասնյակ ցուցարարներ վաղ առավոտից փակել են Երևանի «Զվարթնոց» օդանավակայան տանող ճանապարհը։
Ոստիկանները փորձում են համոզել ցուցարարներին ազատել երթևեկելի մասը։ Հետզհետե ավելանում է թե՛ ցուցարարների, թե՛ ոստիկանների թիվը։
Պարբերաբար վիճաբանություններ են ծագում վարորդների հետ, որոնք ամեն կերպ փորձում են հասնել օդանավակայան կամ գալիս են Երևան։
Մայիսի 1-ի երեկոյան «Ելք» խորհրդարանական խմբակցության ղեկավար, բողոքի շարժման առաջնորդ Նիկոլ Փաշինյանը կոչ արեց փակել օդանավակայանը, փողոցները և տոտալ դասադուլ ու գործադուլ հայտարարել։