ԵՐԵՎԱՆ, 9 Սեպտեմբեր — Sputnik. Վարչապետն այցելել է այսօր Կառավարության շենքի դիմաց ինքնահրկիզում իրականացրած քաղաքացուն: Այս մասին Նիկոլ Փաշինյանը գրել է ֆեյսբուքի իր էջում։
Ճառագայթային բժշկության և այրվածքների գիտական կենտրոնում գտնվող հիվանդի վիճակը ծայրահեղ ծանր է.
«Բժիշկները պայքարում են նրա կյանքը փրկելու համար: Ցավում եմ շատ: Ծանր է շատ»,– գրել է ՀՀ վարչապետը։
Հիշեցնենք, որ այսօր Հանրապետության հրապարակում՝ Կառավարության շենքի գլխավոր մուտքի դիմաց, 50-55 տարեկան տղամարդն ինքնահրկիզման փորձ է արել:
Անցորդները կարողացել են նկատել և կրակը հանգցնել, սակայն քաղաքացին դեմքի և մարմնի որոշ հատվածներում այրվածքներ է ստացել: