Տոներն են մոտենում․ Երևանի կենտրոնում սկսել են տեղադրել գլխավոր տոնածառը. լուսանկարներ

ԵՐԵՎԱՆ, 2 դեկտեմբերի — Sputnik. Երևանի կենտրոնում՝ Հանրապետության հրապարակում, սկսել են տեղադրել Ամանորի գլխավոր տոնածառը։

Դատելով կմախքից, որը հայտնվել է Sputnik Արմենիայի լուսանկարչի օբյեկտիվում, այս տարի այն տարբերվելու է անցած տարվա տոնածառից։

Հիշեցնենք, որ նախորդ տարիներին Հայաստանի մայրաքաղաքի հրապարակը զարդարում էր նույն «եղևնին», որն արդեն հոգնեցրել էր երևանցիներին։

Բացի այդ, քաղաքի փողոցներում հայտնվել են տոնական զարդարանքներ։ Խանութների ցուցափեղկերն արդեն տոնական տեսք են ստացել։ Երեկոյան ամենուրեք փայլփլում են լույսերը՝ հիշեցնելով գալիք  Ամանորի մասին։