ԵՐԵՎԱՆ, 5 հոկտեմբերի-Sputnik. «Ուրարտու» բասկետբոլային ակումբի ներկայացուցիչները Sputnik Արմենիա մուլտիմեդիոն կենտրոնում ներկայցրեցին թիմի առաջխաղացումներն ու ակնալիքները վաղվա հանդիպումից։
Ակումբի կազմում հիմնականում հանդես են գալիս ՀՀ հավաքականի խաղացողները:
«Ուրարտու»-ի գլխավոր մարզիչ Տիգրան Գյոկչյանը հայտնեց, որ երեք փորձառու բասկետբոլիստ է հրավիրել Միացյալ Նահանագներից, որոնցից երկուսը սևամորթ են։ Նրանք համալրել են մեր բասկետբոլի թիմը։
Ակումբի տնօրեն Արթուր Նազարյանը նշեց, որ Հայաստանի հավաքականն իր առջև նպատակ է դրել նվաճել մեծ բարձունքներ, դրա համար արվում է հնարավոր ամեն ինչ։ «Ուրարտու»-ն պատրաստվում է մասնակցել աշխարհի առաջնություններին։
Ակումբի խաղացող, ավագ Ամիրան Ամիրխանովն էլ վստահեցրեց, որ ակումբում շատ ջերմ, ընկերական մթնոլորտ է տիրում, որը նպաստում է մարզումներն ավելի լավ անցկացնելուն և մարտական տրամադրվելուն։
Ամիրխանովի խոսքով, թիմը պատրստ է մրցմանը, մնում է խաղալ ու հաղթել։
Տիգրան Գյոկչյանը հաստատեց Ամիրխանվի ասածը՝ վկայակոչելով Թբիլիսիում անցկացրած մարզումները, որոնց ժամանակ «Ուրարտու»-ն բարձր ցուցանիշներ է արձանագրել։
Գյոկչյանը բասկետբոլի ակումբի գործունեությունը նմանեցրեց ձնագնդի, որը սկզբում փոքր է լինում, սակայն գլորվելով աստիճանաբար մեծանում է։
Հաղթանակներ ենք մաղթում մեր ակումբին՝ վաղվա և մնացած բոլոր մրցաշարերում։