ԵՐԵՎԱՆ, 23 մայիսի — Sputnik. Լոնդոնի «Արսենալի» նոր մարզիչ է դարձել իսպանացի մասնագետ Ունաի Էմերին։ Հիշեցնենք, որ հայ կիսապաշտպան Հենրիխ Մխիթարյանը խաղում է այս ակումբում։
Նա մայիսին լքել է ֆրանսիական «Պարի Սեն Ժերմեն» ակումբի գլխավոր մարզչի պաշտոնը, նշված է անգլիական ֆուտբոլային ակումբի պաշտոնական կայքում։
Ստորագրված համաձայնագրի ժամկետների մասին տեղեկություն չկա։
«ՊՍԺ»-ից առաջ Էմերին գլխավորել է «Լորկա Դեպորտիվոն», «Ալմերիան», «Վալենսիան», Մոսկվայի «Սպարտակը» և «Սևիլյան», որը երեք անգամ հաղթել է Եվրոպայի լիգայում։
Նշենք, որ 22 տարի շարունակ թիմը գլխավորած ֆրանսիացի Արսեն Վենգերն «Արսենալը» լքեց խաղաշրջանի ավարտին։