ԵՐԵՎԱՆ, 16 սեպտեմբերի– Sputnik. Աշխարհի հինգ քաղաքներ ներառվել են 2024 թ.–ի օլիմպիական ամառային խաղերի անցկացման թեկնածուների վերջնական ցանկում, նշվում է Միջազգային օլիմպիական կոմիտեի (ՄՕԿ) պաշտոնական կայքում։
Թեկնածուների վերջնական ցանկում են Համբուրգը (Գերմանիա), Հռոմը (Իտալիա), Լոս Անջելեսը (ԱՄՆ), Փարիզը (Ֆրանսիա) և Բուդապեշտը (Հունգարիա)։
Ավելի վաղ հաղորդվում էր, որ Օլիմպիադայի անցկացմանը կարող էին հավակնել նաև հնդկական Ախմադաբադը, ադրբեջանական Բաքուն և կանադական Տորոնտոն։
Խաղերի անցկացման վայրը հայտնի կդառնա 2017 թ.–ին։