Ռուսական ինքնաթիռի կործանման վայրում գտնվել են սև արկղերը

ԵՐԵՎԱՆ, 31 հոկտեմբերի – Sputnik. Շարմ էլ Շեյխի օդանավակայանում հայտնել են, որ ինքնաթիռի բոլոր ուղևորներն ու ողջ անձնակազմը ՌԴ քաղաքացիներ էին: Այս տեղեկատվությունը ստուգում են ռուս դիվանագետները: Չի բացառվում, որ ինքնաթիռում եղել են նաև ԱՊՀ երկրների քաղաքացիներ։ Հայտնի է, որ տեղեկությունները փորձում է ճշտել, օրինակ, Բելառուսի արտաքին քաղաքական գերատեսչությունը:

Հայտնի է, որ ինքնաթիռն ընկել է բավականին անհանգիստ շրջանում, որտեղ հաճախ են բախումներ լինում Եգիպտոսի կառավարական զորքերի և զինված ծայրահեղականների միջև: Սակայն պաշտոնական Կահիրեն միանգամից հերքել է այն վարկածը, որ ինքնաթիռը կարող էին ոչնչացնել: Սև արկղերն արդեն հայտնաբարվել են:

Ինքնաթիռի կործանման վայրում աշխատում է Եգիպտոսի ավիացիան և ավտոտրանսպորտը: Ավելի վաղ իսրայելցի զինվորականները հետախուզական ինքնաթիռ էին ուղղել` մասնակցելու որոնողական գործողություններին: Իսրայելի պաշտպանության բանակը պատրաստ է օգնություն ցուցաբերել, այդ թվում` բժշկական, եթե դրա կարիքը լինի: Ինքնաթիռը կործանվել է Իսրայելի սահմանից մոտավորապես 300 կմ հեռավորության վրա: Ներկա պահին հայտնի է, որ Եգիպտոսի փրկարարները հայտնաբերել են 100 մարդու մարմին, որոնց թվում ` 17 երեխա: Եգիպտոսի իշխանությունները հայտարարել են, որ զոհվածների մարմինները ռազմական ավիացիայի կողմից կտեղափոխվեն Կահիրե` Ռուսաստան  տեղափոխելու համար: Փրկարարների ջոկատներն արդեն սկսել են տարհանել մարմինները: Բավականին դժվար է իրականացնել այդ աշխատանքը, քանի որ տեղանքը խիստ լեռնային է: Նաև հայտնի է, որ ինքնաթիռի կմախքն ամբողջությամբ քայքայվել է:

Առկա տեղեկատվության համաձայն` ինքնաթիռը վայրէջք է խնդրել Կահիրեի օդանավակայանում: Որոշ ԶԼՄ-ներ հայտնել են, որ կործանման վայրում երկու ինքնագրերն էլ հայտնաբերվել են: Թեև Եգիպտոսի ավիացիայի նախարարությունն այդ տեղեկատվությունը հերքել է: