ԵՐԵՎԱՆ, 21 նոյեմբերի- Sputnik. Գիտնականները հայտնաբերել են, որ երջանիկ մարդկանց գլխուղեղում ավելի շատ գորշ նյութ կա: Մասնագետները ուսումնասիրություն են անցկացրել՝ օգտագործելով մագնիսառեզոնանսային տոմոգրաֆիան: Այս մասին գրում է dni24.com-ը:
Մի խումբ մարդկանց ուսումնասիրելուց առաջ գիտնականները նրանց խնդրել են հարցաթերթիկում լրացնել, թե որքան երջանիկ են իրենց համարում: Ուսումնասիրելով հարցաթերթիկները, ինչպես նաև գլխուղեղի սկանավորման արդյունքները՝ գիտնականները հայտարարել են, որ մարդկանց գլխուղեղները տարբերվում են իրարից:
Տարբերությունը կախված է այն հանգամանքից, թե որքան երջանիկ է մարդը: Հետազոտությունից հետո գիտնականները պարզել են, որ երջանիկ մարդկանց գլխուղեղում գորշ նյութն ավելի շատ է, քան դժբախտ մարդկանց դեպքում: Նրանք պարզել են, որ որքան մեծ է երջանկությունը, այնքան շատ է գորշ նյութը: