ԵՐԵՎԱՆ, 25 նոյեմբերի — Sputnik. CNN հեռուստաընկերությունն իր եթերում կես ժամ շարունակ պոռնոգրաֆիկ տեսանյութ է ցուցադրել։ Այս մասին հայտնում են արևմտյան լրատվամիջոցները։
Նախատեսված էր, որ այդ ժամին CNN-ով պետք է ցուցադրվեր հայտնի լրագրող Էնթոնի Բորդենի` ճամփորդությունների մասին հաղորդումը, բայց տեղի RCN կաբելային պրովայդերի սխալի պատճառով եթերում պոռնոգրաֆիկ տեսանյութ է հայտնվել։
Բոստոնի բնակիչները բողոք են հնչեցրել սոցիալական ցանցերում, որից հետո CNN-ը ժամանակավորապես անջատել են։ RCN-ի ներկայացուցիչները ներողություն են խնդրել և նշել, որ թյուրիմացություն է տեղի ունեցել։
Rose / Twitter user @solikearose
CNN-ը սխալմամբ պոռնոֆիլմ է ցուցադրել