ԵՐԵՎԱՆ, 16 հունիսի – Sputnik. ԱՄՆ-ի բնակիչ Մայքլ Ֆլորին 1 մլն դոլարի հաշիվ են ներկայացրել կորոնավիրուսի դեմ բուժվելու համար։ Այս մասին հայտնում է The Time–ը։
COVID-19–ից բուժվելու համար 70-ամյա ամերիկացուն ներկայացրած հաշիվը 181 էջից է բաղկացած։
Ֆլորը 62 օր անցկացրել է ինտենսիվ թերապիայի բաժանմունքում, մի քանի շաբաթ էլ արհեստական կոմայի մեջ է եղել։
Նրա խոսքով` իր պալատն արժեր օրական մոտ 9700 դոլար։ Մայքլ Ֆլորը պատմել է նաև, որ իրեն ներկայացված հաշիվը կարող է ավելանալ, քանի որ դրանում ներառված չեն բուժսպասարկման, դիալիզի և իրեն բուժող բժիշկների գումարները։
Միևնույն ժամանակ տարեց ամերիկացին պատմել է, որ ծախսերի մեծ մասը փոխհատուցելու է իր ապահովագրության հաշվին։
Մահվան ևս 10 դեպք. կորոնավիրուսի զոհ դարձածներից ամենաերիտասարդը 65 տարեկան կին է