Արման Վանեսքեհյան` Sputnik Արմենիայի քաղաքական վերլուծաբան
Ահաբեկիչները` նոր աշխատանքի, պատվիրատուի և նոր հիբրիդային պատերազմների որոնումներում
Արդեն հասկանալի է, որ Իսլամական Պետության և Ջեբհատ ան–Նուսրայի նման ահաբեկչական խմբավորումները (արգելված են մի շարք երկրներում), որոնք պարտություն են կրել Սիրիայում և Իրաքում, չեն ինքնալուծարվի։
Այդ էր մնում պակաս։ Եթե թեկուզ մի անգամ գոյություն է ունեցել պատվիրատու, որը պատրաստ է եղել վճարել «պատերազմի շներին» Մերձավոր Արևելքում, ապա անպայման և շատ արագ կգտնվի նաև երկրորդը։ Պետք է ընդամենը նստել աննկատ վայրում, քիթը դուրս չհանել, և անպայման, ինչ–որ մեկը կթակի դուռը` կոնկրետ պատվերով, գումարով, սպառազինությամբ (ընդհուպ մինչև ծանր զրահատեխնիկա) և զինամթերքով։
ԻՊ պարագլուխները մտադիր չեն ընդհատակ անցնել։ Հայտնի չէ, թե ճշմարտությանը որքանով է համապատասխանում տեղեկատվությունն այն մասին, որ Աբու Բաքր ալ Բաղդադին` Իսլամական պետության գրոհայինների հոգևոր առաջնորդը, ողջ է և գտնվում է հակաահաբեկչական կոալիցիայի ամերիկյան ուժերի ձեռքում։
Սակայն, որ նման իրավիճակներում տաշած քարը գետնին չի մնում, հատուկ ծառայությունների ղեկավարները և շարքային աշխատակիցները, որոնք պայքարում են ահաբեկչության դեմ, սեփական փորձից գիտեն։
Էլ չենք խոսում այն մասին, որ հատուկ ծառայությունները տիրապետում են գաղտնի տեղեկատվության, որը հասանելի չէ մյուսներին։ Այդ տեղեկատվության համաձայն`ինչպես պնդում է Ռուսաստանի Անվտանգության դաշնային ծառայության տնօրեն Ալեքսանդր Բորտնիկովը` ահաբեկիչները, որոնք վերջին տարիներին մարտական գործողություններ են իրականացնում հենց Սիրիայում և Իրաքում, հիմա առաջադրանքներ են ստանում։ Նրանք պետք է անհետանան Մերձավոր Արևելքի երկրներում` նույն Սիրիայում և Իրաքում և շարունակեն իրենց քայքայիչ գործունեությունը կամ զբաղվեն «ինքնավար ահաբեկչությամբ` ջիհադով»։ Ուստի նրանք չպետք է կուտակվեն Սիրիայի և Իրաքի տարածքներում, որովհետև կարող են հեշտությամբ թիրախ դառնալ երկնքում իշխող ավիացիայի համար։
Այսուհետ ԱՊՀ հատուկ ծառայությունների գործը կշատանա
Նրան կարող են ահաբեկչական գործողություններ ծավալել տեղի ղեկավարության, իրավապահ մարմինների, ենթակառուցվածքների դեմ` սպասելով, թե երբ կգա իրենց ժամանակը։
Իզուր չէ, որ Ռուսաստանի նախագահ Վլադիմիր Պուտինն ԱՊՀ երկրների անվտանգության մարմինների ղեկավարների խորհրդի նիստի մասնակիցներին հղված ուղերձում նշել է. «ԱՊՀ երկրների համար հիմնական վտանգը գալիս է Կենտրոնական Ասիայում, Մերձավոր Արևելքում և Հյուսիսային Աֆրիկայում գործող միջազգային ահաբեկչական կազմակերպություններից։ Ահաբեկիչները փորձում են օգտագործել այդ տարածաշրջանները` որպես հարթակ էքսպանսիայի համար, այստեղ հավաքագրում և սովորեցնում են նոր գրոհայինների և ուղարկում այլ պետություններ` իրավիճակն ապակայունացնելու համար»։
Այսինքն` ԱՊՀ անդամ երկրներին հիմնական հարվածներ պետք է սպասել Միջին Ասիայից և Աֆղանստանից կամ էլ` Մերձավոր Արևելքից։
Ընդ որում, բացի նրանից, որ պոտենցիալ ահաբեկիչները թեժ կետերից վերադարձող գրոհայիններ են` լուրջ մարտական փորձով և պայթուցիկ սարքեր պատրաստելու հմտություններով, նրանք լիովին կարող են օգտագործել միգրացիոն հոսքերը` խառնվելով փախստականների հետ, որոնք կա՛մ հայրենիք են վերադառնում, կա՛մ օգտագործում բնակության վայրը փոխելու հնարավորությունը։
Նմանների նկատմամբ պետք է շատ ուշադիր և զգույշ լինել, քանի որ նրանք հեշտությամբ կապեր են գտնում կազմավորված խմբավորումների հետ, կարող են նրանց առաջադրանքները կատարել` զենք, զինամթերք առաքելու, «տեղում» օրինականացնելու դիմաց։
Ինչպես տեսնում ենք` հատուկ ծառայությունների յուրահատկությունը կտրուկ փոխվել է։ Քանի որ ԻՊ գրոհայինների շարքում եղել է շուրջ 10 հազար անդամ ԱՊՀ երկրներից (միայն 5 հազար` Ռուսաստանից, 1-3 հազար` Ադրբեջանից), ապա այսուհետև հատուկ ծառայությունները քիթ սրբելու ժամանակ չեն ունենա։
