20:54 26 ապրիլի 2019
Ուղիղ եթեր
  • USD481.33
  • GBP621.06
  • EUR536.06
  • RUB7.43
Նիկոլ Փաշինյան

Ինչո՞վ է վտանգավոր Փաշինյանի` ժողովուրդներին խաղաղության պատրաստելու կոչը

© Photo / official site of the Prime minister of RA.
Վերլուծություն
Ստանալ կարճ հղումը
25101

Նիկոլ Փաշինյանն ապրիլի 11-ին ելույթ ունեցավ Ստրասբուրգում ԵԽԽՎ գարնանային նստաշրջանում։ Նա նաև մասնակցեց «Թավշյա հեղափոխությունը Հայաստանում» ցուցահանդեսի բացմանը։

ԵՐԵՎԱՆ, 14 ապրիլի — Sputnik, Աշոտ Սաֆարյան․ Հայաստանը միշտ փորձել է եվրոպական «թրենդի» մեջ լինել և հանդես գալ որպես երկիր, որ կողմ է հակամարտությունների բացառապես խաղաղ կարգավորմանը։ Այդ մասին Sputnik Արմենիային տված հարցազրույցում ասաց քաղաքագետ Երվանդ Բոզոյանը։

Նրա խոսքով՝ այդ «թրենդի» մեջ է ներառվում վարչապետ Նիկոլ Փաշինյանի ելույթը ԵԽԽՎ ամբիոնից, որտեղ նա կրկին հայտարարել է, որ հայերն ու ադրբեջանցիները պետք է պատրաստվեն խաղաղության։

Փորձագետը կարծում է, որ, ի հեճուկս դրան, Ադրբեջանի ղեկավարությունը երբեք չի թաքցնում իր ռազմատենչ տրամադրվածությունը։ Այդ առումով Երևանի չափազանց խաղաղասիրական դիրքորոշումն անհամաչափ է թվում։

«Դա այդքան վտանգավոր չէ, եթե գործնականում Հայաստանը միշտ պատրաստ լինի ամենատարբեր սցենարների, այդ թվում՝ ռազմական։ Հայաստանը պետք է տարածաշրջանային իրողություններին համարժեք մարտավորություն և ռազմավարություն ունենա», - ասաց Բոզոյանը։

Մեկնաբանելով Փաշինյանի ԵԽԽՎ-ին ուղղված կոչը՝ Արցախի քաղաքացիական հասարակության հետ համագործակցելու մասին, քաղաքագետ նշեց, որ մինչև հիմա այդ միջազգային կազմակերպությունը, սեփական դրույթներին հակասելով, չի փորձել ինչ-որ երկխոսություն հաստատել Ղարաբաղի բնակչության հետ։

Հայաստանի վարչապետը կոչ է արել Եվրոպայի խորհրդին աջակցել Արցախի ժողովրդին` օրենքները կատարելագործելու, ժողովրդավարական ինստիտուտներն ամրապնդելու և մարդու իրավունքների հարցում։ Փաշինյանի խոսքով՝ առաջին հերթին պետք է նկատի ունենալ, որ Արցախում նույնպես մարդիկ են ապրում։

Վարչապետի ելույթում կարմիր թելով անցել է այն միտքը, որ նա բոլորովին նոր Հայաստանի առաջնորդն է, որն այլևս այն չէ, ինչ եղել է նախկինում։

«Փաշինյանը փորձել է ներկայացնել Հայաստանում տեղի ունեցած «թավշյա հեղափոխությունը» որպես ապրանքանիշ, որպես նոր երևույթ։ Հայաստանի առաջնորդը հույս ունի, որ այստեղ կատարված իրադարձությունները կփոխեն եվրոպական կառույցների վերաբերմունքը երկրի նկատմամբ՝ դրանից բխող բոլոր հետևանքներով», - նշեց Բոզոյանը։

Միաժամանակ, նա կարծում է, որ Հայաստանի տարբեր ոլորտներում տիրող իրավիճակն առայժմ չի համապատասխանում նոր «ամպլուային», որի մասին խոսում է վարչապետը։ Երկրում չկա իսկապես անկախ դատական համակարգ, դատավորները գտնվում են շարունակական ճնշման տակ։

Հիշեցնենք, որ ապրիլի 11-ին վարչապետը ելույթ է ունեցել Ստրասբուրգում ԵԽԽՎ գարնանային նստաշրջանում։ Նա նաև մասնակցել է «Թավշյա հեղափոխությունը Հայաստանում» ցուցահանդեսի բացմանը։

Ըստ թեմայի

Սուրենյանց. «ԵԽԽՎ-ում Փաշինյանի ելույթի արցախյան հատվածը հաջողված էր»
Ինչո՞ւ են ասում` Հայաստանը տնտեսական ռազմավարություն չունի. Փաշինյանի պատասխանը
Բոզոյան. «Փաշինյանի կողմից ուղղորդում կա դատական համակարգի վրա»
թեգերը:
Ադրբեջան, «Թավշյա հեղափոխություն», Նիկոլ Փաշինյան, Եվրախորհրդի խորհրդարանական վեհաժողով (ԵԽԽՎ), Արցախ, Հայաստան

Գլխավոր թեմաներ