14:32 27 հունիսի 2017
Ուղիղ եթեր
глава компании Электрические сети Армении Евгений Бибин

«Հայաստանի Էլցանցեր»–ը հերքում է Բիբինի հրաժարականի մասին լուրերը

Հայաստան
Ստանալ կարճ հղումը
50 0 0

«Հայաստանի Էլցանցեր» ընկերության մամուլի քարտուղար Նատալյա Սարջանյանը հաղորդել է, որ Բիբինը Մոսկվայում է և նրա` Երևան վերադառնալու ժամկետները հայտնի չեն

ԵՐԵՎԱՆ, հուլիսի 1– Sputnik. «Հայաստանի Էլցանցեր» ընկերության մամուլի քարտուղար Նատալյա Սարջանյանը Sputnik–ի թղթակցին տված հարցազրույցում հերքեց հայկական ԶԼՄ–ների տարածած տեղեկատվությունն ընկերության գլխավոր տնօրեն Եվգենի Բիբինի հրաժարականի մասին։

Նրա խոսքով` ներկա պահին Բիբինը գտնվում է Մոսկվայում, որտեղ մասնակցում է մի շարք խորհրդակցությունների։

Նրա` Երևան վերադառնալու ժամկետները որոշված չեն։

«Հայաստանի էլեկտրացանցեր» ՓԲԸ–ն «ԻՆՏԵՐ ՌԱՕ ԵԷՍ» ՓԲԸ–ի 100 տոկոսանոց դուստր ընկերությունն է։ Ընկերության գործունեության հիմնական ուղղությունն է էլեկտրաէներգիայի բաշխումը Հայաստանի սպառողներին, այդ թվում` բնակչությանը ($1 — 475,03 դրամ)։

Հայաստանի հանրային ծառայությունները կարգավորող հանձնաժողովը հունիսի 17–ին հայտարարել է էլեկտրաէներգիայի սակագնի բարձրացման մասին, որի համաձայն` օգոստոսի 1–ից սակագինը կթանկանա 6.93 դրամով (մոտ 16,7%–ով) մեկ կՎտ ժամի դիմաց։ Ընդ որում, «Հայաստանի էլեկտրացանցեր» բաշխիչ ընկերությունը ՀԾԿՀ–ի իր հայտում առաջարկում էր բարձրացնել սակագինը 40.8 տոկոսով։

ՀԾԿՀ–ի նման որոշումը դժգոհության և վրդովմունքի ալիք բարձրացրեց բնակչության շրջանում։ Եվ արդեն հունիսի 19–ին «Ոչ թալանին» քաղաքացիական նախաձեռնության կազմակերպած բողոքի ակցիայի մասնակիցները հայտարարեցին Երևանի Ազատության հրապարակում եռօրյա նստացույցի անցկացման մասին, նախազգուշացնելով, որ իրենց պահանջները չկատարելու դեպքում հունիսի 22–ին նրանք կուղղվեն նախագահի նստավայր։ Հաշվի առնելով ակցիայի խաղաղ բնույթը` ոստիկանությունը թույլ տվեց ցուցարարներին շարունակել այն գիշերը` կազմակերպիչներից պահանջելով հանրային կարգի կանոնների առավելագույն պահպանում և սպառնալով հակառակ դեպքում ցրել ցույցը։

Ակցիան շարունակվել է նույն օրվա երեկոյան, ցույցերը խաղաղ բնույթ են կրել։ Ակտիվիստները պահանջում էին չեղյալ հայտարարել էլեկտրաէներգիայի թանկացման մասին որոշումը և պատժել խաղաղ ցույցի ցրման ժամանակ լիազորությունների չարաշահման մեղավորներին։

Շաբաթ օրը Հայաստանի նախագահ Սերժ Սարգսյանը տնտեսական ոլորտի պատասխանատու անձանց հետո խորհրդակցության ընթացքում հայտարարեց, որ կառավարությունն իր վրա կվերցնի էլեկտրաէներգիայի սակագների բարձրացման հետ կապված ողջ բեռը։ «Հայաստանի էլեկտրացանցեր» ընկերության աուդիտի մասին պայմանավորվածությունը ձեռք է բերվել Հայաստանի նախագահի և ՌԴ տրանսպորտի նախարար, հայ–ռուսական միջկառավարական հանձնաժողովի համանախագահ Մաքսիմ Սոկոլովի հետ հանդիպումից հետո։

Գլխավոր թեմաներ