01:21 20 նոյեմբերի 2017
Ուղիղ եթեր
П/к, посвященная открытию VIII Международного фестиваля театра и кино В кругу семьи

Զանուսին, Օրնելա Մուտին և Նաստասյա Կինսկին հուլիսին կժամանեն Երևան

© Sputnik/ Владимир Трефилов
Հայաստան
Ստանալ կարճ հղումը
190 0 0

«Ոսկե ծիրան» կինոփառատոնի տնօրեն–հիմնադիր Հարություն Խաչատրյանի խոսքով, իտալացի դերասանուհի Օրնելա Մուտիին կշնորհվի «Համաշխարհային կինոյում ունեցած ավանդի համար» պատվավոր մրցանակ

ԵՐԵՎԱՆ, 1 հուլիսի – Sputnik. Աշխարհահռչակ կինոռեժիսոր Քշիշտոֆ Զանուսին, համաշխարհային կինոյի աստղեր Օրնելա Մուտին և Նաստասյա Քինսկին որպես պատվավոր հյուրեր հրավիրված են «Ոսկե ծիրան» միջազգային 12–րդ միջազգային կինոփառատոնին, հինգշաբթի մամուլի ասուլիսում հայտնեց փառատոնի տնօրեն–հիմնադիր, կինոռեժիսոր Հարություն Խաչատրյանը։

«Օրնելա Մուտին Երևան կբերի ֆիլմեր, որոնք կցուցադրվեն փառատոնի շրջանակում։ Նրան կշնորհեն նաև «Համաշխարհային կինոյում ունեցած ավանդի» ավանդական պատվավոր մրցանակը»,– ասաց Խաչատրյանը։
 
«Ոսկե ծիրանի» այլ պատվավոր հյուրերի թվում նա նշեց ֆրանսիացի դերասան Պատրիկ Շենեին, ով նկարահանվել է հայկական փառատոնի մրցութային ֆիլմերից մեկում` «Ես այստեղ սիրված լինելու համար չեմ»։ 

Նրա խոսքով, Երևան կժամանեն նաև ռեժիսորներ Ռոբեր Գեդիկյանը` «Խաղարկային կինո» անվանակարգում ժյուրիի նախագահ, և Ռոգբ Նիլսենը, ով վարպետության դաս կանցկացնի։
 
«Ոսկե ծիրան» միջազգային տասներկուերորդ կինոփառատոնը կանցկացվի Երևանում հուլիսի 12-18–ը։ Փառատոնը կանցկացվի մրցութային չորս ծրագրերով` «Խաղարկային ֆիլմեր», «Վավերագրական ֆիլմեր», «Հայկական համայնապատկեր» և «Կորիզ», դրանց կմասնակցի 34 ֆիլմ։

«Ոսկե ծիրանի» պատվավոր հյուրերի թվում նախորդ տարիներին եղել են հայտնի սցենարիստ, գրող Տոնինո Գուերան, դերասանուհիներ Կլաուդիա Կարդինալեն և Ֆանի Արդանը։

Գլխավոր թեմաներ