12:34 21 հունվարի 2017
Ուղիղ եթեր
Акция протеста в Ереване

Գործ է հարուցվել բողոքի ցույցի ժամանակ լրագրողների իրավունքների խախտման փաստի առթիվ

© Sputnik/ Асатур Есаянц
Հայաստան
Ստանալ կարճ հղումը
8 0 0

Էլեկտրաէներգիայի սակագնի բարձրացման դեմ անցկացվող բողոքի ցույցի ժամանակ լրագրողների իրավունքների խախտման փաստի առթիվ կատարվում է նախաքննություն, հաղորդում է Հատուկ քննչական ծառայությունը։

ԵՐԵՎԱՆ, 3 հուլիսի– Sputnik. Հայաստանի հատուկ քննչական ծառայությունում քրեական գործ է հարուցվել Բաղրամյան պողոտայում էլեկտրաէներգիայի թանկացման դեմ ընթացող բողոքի ակցիան լուսաբանող լրագրողների իրավունքների խախտման փաստի առթիվ, հաղորդում է գերատեսչության մամուլի ծառայությունը։

Ըստ մամուլի հաղորդագրության` բռնություն գործադրելով զուգորդված պաշտոնեական լիազորություններն անցնելու, պաշտոնատար անձանց կողմից պաշտոնեական դիրքն օգտագործելով` լրագրողի մասնագիտական օրինական գործունեությանը խոչընդոտելու, ուրիշի գույքը դիտավորությամբ ոչնչացնելու կամ վնասելու դեպքերի առթիվ ՀՀ հատուկ քննչական ծառայությունում ՀՀ քրեական օրենսգրքի 309-րդ և  164-րդ հոդվածների 2-րդ մասերով և 185-րդ հոդվածի 1-ին մասով հարուցվել է քրեական գործ: Կատարվում է նախաքննություն։

Հունիսի կեսին Հայաստանի հանրային ծառայությունները կարգավորող հանձնաժողովը որոշում ընդունեց 16 տոկոսով բարձրացնել էլեկտրաէներգիայի սակագինը, ընդ որում «Հայաստանի էլեկտրական ցանցեր» ընկերությունն իր հայտում մտադիր էր սակագինը բարձրացնել 40,8 տոկոսով։ Այս ամենը հանգեցրեց բողոքի ակցիայի, որը սկսվեց Երևանում հունիսի 19–ին և հունիսի 22–ին վերածվեց քայլերթի դեպի նախագահի նստավայր, որը գտնվում է Մարշալ Բաղրամյան պողոտայում։

Հունիսի 23–ի գիշերը ոստիկանները հատուկ տեխնիկայի կիրառմամբ ցրեցին ցուցարարներին։ Ոստիկանական բաժանմունքներ տեղափոխվեց գրեթե 240 մարդ, այդ թվում` լրագրողներ։ 25 մարդ դիմեց բուժօգնության։

Օրերս հայկական իշխանություններն առաջարկեցին իրականացնել «Հայաստանի էլեկտրական ցանցեր» ընկերության աուդիտ, իսկ այդ ժամանակահատվածում իշխանությունները կսուբսիդավորեն բարձրացված սակագները։ Դրանից հետո ցուցարարների շարքերը պառակտվեցին, նրանց մի մասը հայտարարեց, որ պատրաստ է դադարեցնել ակցիաները։ Իսկ ցուցարարների մյուս մասը մնաց Բաղրամյան պողոտայում` մեղադրելով առաջին խմբին դավաճանության մեջ։

Գլխավոր թեմաներ