ԵՐԵՎԱՆ, 6 հուլիսի – Sputnik. Հայաաստանի ռազմաօդային ուժերը բավարար ուժերի են տիրապետում երկրի օդային տարածքը պահպանելու համար, երկուշաբթի լրագրողներին ասաց Հայաստանի ավիացիոն ուժերի կազմի հրամանատար Արմեն Ապիկյանը։
«Չնայած, որ ավիացիայի կայացումը կատարվել է տեխնիկայի և անձնակազմի սուր պակասի պայմաններում, այն անցել է այդ փուլը և այսօր լուծում է իր առջև կանգնած խնդիրները»,– ասաց Ապիկյանը։
Ըստ նրա գնահատականների, Հայաստանում ռազմական ավիամասնագետների ուժեղ սերունդ է մեծանում, որը պատրաստություն է անցնում դրա համար բարենպաստ պայմաններում։
Ապիկյանը նշեց նաև, որ հայ օդաչուները գերազանցում են հակառակորդին մարտական ոգով, և իր միակ ցանկությունն ավիացիոն պարկն օդային տեխնիկայի նորագույն նմուշներով համալրելն է։
Միաժամանակ, ինչպես լրագրողների հետ զրույցում հայտնեց ՌԴ ՌՕՈՒ մայոր Գոռ Ղազարյանը, Հայաստանն ունի ռազմական ավիաարտադրության զարգացման բոլոր նախադրյալները։
«Կարելի է սկսել թեթև ինքնաթիռներից, ուղղաթիռներից, իսկ այնուհետև արդեն անցնել ծանր տեխնիկայի։ Երիտասարդությունն ունի այդ գիտելիքները, ներուժը և նախադրյալները»,– ասաց Ղազարյանը։
Ըստ նրա, այդ մասին գիտի ոչ միայն բանակային ղեկավարությունը, այլ նաև երկրի բարձրաստիճան անձինք, և այդ ուղղությամբ որոշ քայլեր ձեռնարկվում են։
ՊՆ. ՌՕՈՒ–ն խիստ վերահսկում է Հայաստանի օդային տարածքը
© ARKA
Բաժանորդագրվել
Հայաստանի ռազմաօդային ուժերն այսօր լուծում են իրենց առջև դրված խնդիրները, հայտնեց պաշտպանության նախարարության ավիացիոն ուժերի հրամանատար Արմեն Ապիկյանը
