00:52 28 հունիսի 2017
Ուղիղ եթեր
ЗАО «Электросети Армении»

Մամուլի քարտուղար. Հայաստանի էլեկտրացանցերի աուդիտը կսկսվի օգոստոսին

© АРКА
Հայաստան
Ստանալ կարճ հղումը
137 0 0

«Հայաստանի էլեկտրացանցեր» ՓԲԸ–ի մամուլի քարտուղար Նատալյա Սարջանյանը հայտնել է, որ ընկերության գլխավոր տնօրեն Եվգենի Բիբինն արդեն Մոսկվայից վերադարձել է Երևան և որ ընկերության աուդիտը, ամենայն հավանականությամբ, կսկսվի օգոստոսին։

ԵՐԵՎԱՆ, 6 հուլիսի – Sputnik. «Հայաստանի էլեկտրացանցեր» ՓԲԸ–ի աուդիտը, ամենայն հավանականությամբ, կսկսվի օգոստոսին, Sputnik–ին հայտնել է  էներգետիկ ընկերության մամուլի քարտուղար Նատալյան Սարջանյանը։

Ըստ նրա, «ՀԷՑ»–ի գլխավոր տնօրեն Եվգենի Բիբինն արդեն Երևան է վերադարձել Մոսկվայից, որտեղ մասնակցել է «Ինտեր ՌԱՕ ԵԷՍ»–ի ղեկավարության մի շարք խորհրդակցությունների։

«Ներկայում Ինտեր ՌԱՕ–ում աշխատում են աուդիտի անցկացման տեխնիկական առաջադրանքի շուրջ։ Տեխնիկական առաջադրանքի մշակումը և աուդիտորի ընտրությունը կպահանջի մեկ ամիս»,– նշեց մամուլի քարտուղարը։

Սարջանյանը դժվարացավ ասել, թե ինչ ընկերություններ են մասնակցելու «ՀԷՑ»–ի աուդիտի մրցույթին։ Ըստ նրա, ընկերության աուդիտը կտևի երեքից վեց ամիս։

Ինտեր ՌԱՕ–ն և Հայաստանի իշխանությունները միասին կընտրեն Էլեկտրացանցերի աուդիտորին

Ավելի վաղ «Ինտեր ՌԱՕ» ռուսական էլեկտրահոլդինգի ղեկավար Բորիս Կովալչուկը հայտնել է, որ «Ինտեր ՌԱՕ»–ն Հայաստանի իշխանույթունների հետ համատեղ մրցութային կարգով կընտրեն կազմակերպություն, որը աուդիտ կիրականացնի «Հայաստանի էլեկտրացանցեր»–ում։ Կովալչուկի խոսքերով, կարող է տևել մոտ 3 ամիս։ Հետագայում կազմակերպությունը չի բացառում ակտիվները վաճառելու հնարավոր տարբերակը։ 

«ՀԷՑ»–ի անկախ աուդիտի անցկացման մասին պայմանավորվածությունը ձեռք էր բերվել մոտ տասն օր առաջ Հայաստանի նախագահ Սերժ Սարգսյանի և հայ–ռուսական միջկառավարական հանձնաժողովի, ՌԴ տրանսպորտի նախարար Մաքսիմ Սոկոլովի հետ հանդիպման ժամանակ։ Այդ կապակցությամբ Սարգսյանն ասել էր, որ Հայաստանի իշխանություններն իրենց վրա կվերցնեն էլեկտրաէներգիայի սակագների բարձրացման հետ կապված ամբողջ բեռը մինչև աուդիտի արդյունքների ստացումը։

«Հայաստանի էլեկտրական ցանցեր» ՓԲԸ–ն «ԻՆՏԵՐ ՌԱՕ ԵԷՍ» ՓԲԸ–ի 100 տոկոսանոց դուստր ընկերությունն է։ Ընկերության հիմնական ուղղությունը էլեկտրաէներգիայի բաշխումն է Հայաստանի սպառողներին, այդ թվում` բնակչությանը։

Գլխավոր թեմաներ