00:07 21 հունվարի 2017
Ուղիղ եթեր
Орошение кукурузного поля

Հայաստանը կստանա 40 մլն դոլարի վարկ ոռոգման համակարգերի արդիականացման համար

© Sputnik/ В. Седачев
Հայաստան
Ստանալ կարճ հղումը
4 0 0

Կայունացման և զարգացման եվրասիական հիմնադրամի խորհուրդը հաստատել է Հայաստանին «Ոռոգման համակարգերի արդիականացում» ծրագրի իրականացման համար Հիմնադրամի միջոցներից 40 մլն ԱՄՆ դոլարի չափով, տարեկան 2 տոկոս տոկոսադրույքով, 20 տարի մարման ժամկետով վարկ տրամադրելու մասին հայտը:

ԵՐԵՎԱՆ, 6 հուլիսի–Sputnik. Կայունացման և զարգացման եվրասիական հիմնադրամը (առաջ` ԵվրԱզԷս հակաճգնաժամային հիմնադրամ) ոռոգման համակարգերի արդիականացման համար 40 մլն ԱՄՆ դոլարի վարկ կտրամադրի Հայաստանին, հայտնում է հանրապետության ֆինանսների նախարարության մամուլի ծառայությունը։

Հիմնադրամի խորհուրդը հաստատել է Հայաստանին «Ոռոգման համակարգերի արդիականացում» ծրագրի իրականացման համար Հիմնադրամի միջոցներից 40 մլն ԱՄՆ դոլարի չափով, տարեկան 2 տոկոս տոկոսադրույքով, 20 տարի մարման ժամկետով (որից 10 տարին՝ արտոնյալ) վարկ տրամադրելու մասին հայտը:

Հիմնադրամի խորհրդի նիստին մասնակցություն է ունեցել ՀՀ ֆինանսների նախարար Գագիկ Խաչատրյանի գլխավորած պատվիրակության։

Նշված ծրագրի շրջանակներում նախատեսվում է ընտրված համայնքներում ոռոգման ջրանցքների վերանորոգում, մեխանիկական ոռոգման փոխարինում ինքնահոսով, ջրօգտագործողների միավորումների ինստիտուցիոնալ կարողությունների զարգացում:

Խաչատրյանը ներկայացրել է նաև Հիմնադրամի միջոցներից ֆինանսական վարկ տրամադրելու վերաբերյալ ՀՀ հայտը, որի վերաբերյալ Հիմնադրամը որոշում է կայացրել շարունակել աշխատանքները ֆինանսավորման վերջնական ծրագրի նախապատրաստման ուղղությամբ:

Կայունացման և զարգացման եվրասիական հիմնադրամը (նախկինում` ԵվրԱզԷՍ–ի հակաճգնաժամային հիմնադրամ)` տարածաշրջանային տնտեսական մեխանիզմ է, որը հիմնադրվել է 2009 թվականին Հայաստանի, Բելառուսի, Ղազախստանի, Ղրղզստանի, Ռուսաստանի և Տաջիկստանի կողմից։

Հիմնադրամը ստեղծվել է բացասական ճգնաժամային հետևանքները հաղթահարելու, երկարաժամկետ կայունության և հիմնադրամի մասնակից–երկրների տնտեսության աջակցման ապահովման նպատակով։

Գլխավոր թեմաներ