14:19 21 նոյեմբերի 2017
Ուղիղ եթեր
Деньги

Ռուսաստանը Հայաստանին կտրամադրի 14,1 մլն դոլար մաքսային միության ծրագրով

© Sputnik/ Антон Денисов
Հայաստան
Ստանալ կարճ հղումը
8 0 0

ՀՀ և ՌԴ ֆինանսների նախարարները ստորագրել են համաձայնագիր, որի համաձայն նախատեսված է ՄՄ և միասնական տնտեսական տարածքին Հայաստանի միանալու ծրագրի իրականացման նպատակով ՀՀ ՖՆ 14,1 մլն ԱՄՆ դոլարի չափով ֆինանսական օժանդակություն տրամադրել:

ԵՐԵՎԱՆ, 6 հուլիսի–Sputnik. Ռուսաստանը Հայաստանին կտրամադրի  14,1 մլն ԱՄՆ դոլար միասնական տնտեսական տարածքին Հայաստանի միանալու միջոցառումների ծրագրի իրականացման համար, հայտնում է ֆինանսների նախարարության մամուլի ծառայությունը ։

ՌԴ ֆինանսների նախարար Ա. Սիլուանովի հետ Հայաստանի ֆինանսների նախարար Գագիկ Խաչատրյանը Մոսկվայում ստորագրել է «ՀՀ ՖՆ և ՌԴ ՖՆ միջև ՌԴ կողմից ՀՀ անհատույց ֆինանսական օգնություն տրամադրելու մասին» համաձայնագիրը, որով նախատեսված է ՄՄ և միասնական տնտեսական տարածքին Հայաստանի միանալու միջոցառումների ծրագրի իրականացման նպատակով ՀՀ ՖՆ 14,1 մլն ԱՄՆ դոլարի չափով ֆինանսական օժանդակություն տրամադրել:

Կողմերը նաև ստորագրել են «ՀՀ ՖՆ և ՌԴ ՖՆ միջև համագործակցության հարցում փոխըմբռնման մասին» հուշագիր։

ՀՀ ֆինանսների նախարար Գագիկ Խաչատրյանը հանդիպում է ունեցել նաև ՌԴ դաշնային մաքսային ծառայության ղեկավար Ա. Բելյանինովի հետ, որի հետ քննարկել է ՌԴ պետական սահմանի Վերին Լարս անցակետում առկա կուտակումների վերացմանը վերաբերող հարցեր: Նախարարը պայմանավորվածություն է ձեռք բերել հնարավորինս սեղմ ժամկետներում քայլեր ձեռնարկել նշված անցակետում կուտակումները վերացնելու և հայկական բեռների տեղափոխման համար առավելագույն հարամարավետ պայմաններ ստեղծելու ուղղությամբ:

ԵՏՄ–ն միջազգային ինտեգրացիոն տնտեսական միություն է, որը ստեղծվել է Մաքսային միության և Տնտեսական միասնական տարածքի հիմքի վրա և գործում է այս տարվա հունվարի 1-ից։ Ներկա պահին ԵՏՄ անդամներ են Ռուսաստանը, Հայաստանը, Բելառուսը և Ղազախստանը, իսկ հուլիսի 1-ից կազմակերպությանը միացել է նաև Ղրղըզստանը։

ԵՏՄ–ի ստեղծումը դուրս է բերում ԱՊՀ համախառն արդյունքի 85 տոկոսը կազմող ՀՆԱ համագումար ունեցող Մաքսային նախկին միության անդամ երկրներին

ինտեգրման ավելի բարձր մակարդակի։

Գլխավոր թեմաներ