15:55 20 հունվարի 2017
Ուղիղ եթեր
Акция протеста против подорожания электроэнергии в Ереване

Ակտիվիստները հրատապ ցույց են հայտարարում Երևանի Ազատության հրապարակում

© Sputnik/ Асатур Есаянц
Հայաստան
Ստանալ կարճ հղումը
510 0 0

Էլեկտրաէներգիայի թանկացման դեմ շարժման ակտիվիստները կոչ են անում քաղաքացիներին գալ Ազատության հրապարակ հերթական ցույցի

ԵՐԵՎԱՆ, 6 հուլիսի – Sputnik. Էլեկտրաէներգիայի թանկացման դեմ ակտիվիստները թռուցիկ են տարածել, որում կոչ են անում քաղաքացիներին հավաքվել հրատապ ցույցի Ազատության հրապարակում երկուշաբթի ժամը 19։00–ին (Մոսկվայի ժամանակով` 18-00), հայտնում է Sputnik–ի թղթակիցը։

Կեսօրի սահմաններում ոստիկանությունը հայտարարություն է տարածել էլեկտրաէներգիայի թանկացման դեմ ակցիայի մասնակիցներին մինչև 12։30–ը (Մոսկվայի ժամանակով` 11-30) Բաղրամյանի պողոտան բացելու կոչով, սակայն ցուցարարները չեն լքել տարածքը։

Այնուհետև Ոստիկանության աշխատողները հավաքել են Բաղրամյանի պողոտայի երթևեկելի հատվածում աղբամաններից պատրաստած բարիկադները և մարդկանց մղել են դեպի մայթ։ Ցերեկը ժամը երկուսին տրանսպորտի երթևեկությունը մայրաքաղաքի հիմնական ավտոճանապարհներից մեկի վրա ամբողջովին վերականգնվել է։ Բաղրամյանի պողոտայի մաքրման օպերացիայի ընթացքում Ոստիկանության աշխատողները բերման են ենթարկել ցույցի 46 մասնակցի, նրանց վեց անչափահասներ միանգամից բաց են թողնվել, իսկ մյուսներն ազատ են արձակվել մի քանի ժամ անց։

«Բաղրամյանի պողոտան ավելի քան 2 շաբաթ փակած ցուցարարները հստակ մտադիր են շարունակել պայքարը մինչև ժողովրդի պահանջների բավարարում։ Մենք մեր գործողությունները կատարում ենք բացառապես խաղաղ ճանապարհով, սկզբունքորեն անտեսում ենք ոստիկանության` ուժի կիրառման սպառնալիքները և, անհրաժեշտության դեպքում, պատրաստ ենք կրկին ընդունել ոստիկանության հարվածը, ինչպես հունիսի 23–ի առավոտյան և հուլիսի 6–ի առավոտյան»,– նշվում է թռուցիկի տեքստում։

Ասվում է նաև, որ ցուցարարներն անհրաժեշտ են համարում հաստատել ամբողջ հասարակության` առաջադրված պայմաններին հետևելու պատրաստակամությունը։ 

Այս պահին Ազատության հրապարակում հավաքվել է մի քանի տասնյակ մարդ։ Միաժամանակ, նրանց թվում համակարգող խմբից ոչ ոք չկա։

Հուլիսի կեսին Հայաստանի հանրային ծառայությունները կարգավորող հանձնաժողովը որոշում է ընդունել էլեկտրաէներգիան 16 տոկոսով բարձրացնելու մասին, միաժամանակ, «Հայաստանի էլեկտրացանցերն» իրենց հայտում մտադիր էին բարձրացնել սակագինը 40.8 տոկոսով։ Դա Երևանում բողոքի ակցիայի պատճառ է դարձել, որը սկսվել է Երևանում հունիսի 19–ից և հունիսի 22–ի երեկոյան վերածվել է երթի դեպի նախագահի նստավայր Բաղրամյանի պողոտայում։

Հունիսի 23–ի լույս գիշերը ոստիկանները հատուկ տեխնիկայի կիրառմամբ ցրել են ցուցարարներին։ Գրեթե 240 մարդ, այդ թվում` լրագրողներ, բերման են ենթարկվել ոստիկանության բաժիններ, 25 մարդ դիմել է բուժօգնության։

Ակցիան վերսկսվել է նույն օրը երեկոյան, ցույցերը բացառապես խաղաղ բնույթ են կրում։ Ակտիվիստները պահանջում էին չեղյալ հայտարարել էլեկտրաէներգիայի թանկացման մասին կարգավորիչի և խաղաղ ակցիայի ցրման ժամանակ լիազորությունների չարաշահման մեղավորներին պատժելու որոշումը։

Օրեր առաջ  Հայաստանի  իշխանություններն առաջարկել են աուդիտ անցկացնել «Հայաստանի էլեկտրացանցեր» ընկերությունում, իսկ աուդիտի ժամանակ իշխանությունները կսուբսիդավորեն բարձրացված սակագները։ Դրանից հետո ցուցարարների շարքերում պառակտում ծագեց` նրանց մի մասը հայտարարեց ակցիան դադարեցնելու պատրաստակամության մասին։ Միաժամանակ, ցուցարարների մեծամասնությունը մնաց Բաղրամյանի պողոտայում` մյուս խմբին մեղադրելով դավաճանության մեջ։

Գլխավոր թեմաներ