00:50 28 հունիսի 2017
Ուղիղ եթեր
Сергей Деменски,  Андрей Щербак, Тигран Акопян, Мартун Костандян, Анна Тер-Овакимян

Հայաստանից երեք երաժիշտ կմասնակցի Չայկովսկու անվան մրցույթին

© Sputnik/ Асатур Есаянц
Հայաստան
Ստանալ կարճ հղումը
13 0 0

Հայաստանից եզրափակչին կմասնակցեն Դիանա Ադամյանը, Անդրանիկ Աղաջանյանը և Արթուր Գրիգորյանը, նշել է Չայկովսկու անվան երաժշտական դպրոցի տնօրեն Մարտուն Կոստանդյանը։

ԵՐԵՎԱՆ, 8 հուլիսի-Sputnik. Չայկովսկու անվան երաժշտական դպրոցի երեք սաներ կմասնակցեն Չայկովսկու անվան 9–րդ Միջազգային պատանեկան մրցույթի եզրափակչին, որը տեղի կունենա դեկտեմբերի 5-15–ը Նովոսիբիրսկում, հաղորդել է դպրոցի տնօրեն Մարտուն Կոստանդյանը։

«Հայաստանից եզրափակչին կմասնակցեն Դիանա Ադամյանը (ջութակ), Անդրանիկ Աղաջանյանը (թավջութակ) և Արթուր Գրիգորյանը (դաշնամուր)»,– երեքշաբթի մամուլի ասուլիսում ասաց Կոստանդյանը։

Չայկովսկու անվան միջազգային մրցույթի դափնեկիրների ասոցիացիայի գլխավոր տնօրեն Անդրեյ Շչերբակը հաղորդեց, որ այս տարի ժյուրիի կազմում կընդգրկվի Հայաստանի Պետական երիտասարդական նվագախմբի գլխավոր դիրիժոր Սերգեյ Սմբատյանը։

«Մրցույթը երիտասարդ երաժիշտներին բարձրացնում է երաժշտական էլիտայի նոր գագաթ։ Ասոցիացիան հնարավոր ամեն ինչ անում է մրցույթի մասնակիցների համար հետագայում համերգներ կազմակերպելու համար, որպեսզի նրանց հնարավորություն տա ևս մեկ անգամ ցուցադրել իրենց վարպետությունը»,– ասաց Շչերբակը։

Նա նշեց, որ թեև մասնակիցների վարպետության մակարդակը գնահատելիս չի կարելի խուսափել սուբյեկտիվիզմից, ժյուրիի ինն անդամների առկայությունը թույլ է տալիս այդ սուբյեկտիվիզմը նվազագույնի հասցնել։

«Գնահատման գլխավոր չափանիշները կատարման անսխալությունն է և կոմպոզիտորի օրիգինալ երաժշտական տեքստին ուշադրությունը։ Միաժամանակ ցանկանում եմ նշել, որ մրցույթի բոլոր մասնակիցները հիասքանչ են»,– ասաց Շչերբակը։

Պ.Ի. Չայկովսկու անվան միջազգային մրցույթը դասական երաժշտության աշխարհում խոշորագույն իրադարձություն է։ Մրցույթն անցկացվում է չորս տարին մեկ։ Առաջին անգամ տեղի է ունեցել 1958թ.–ին։

Չայկովսկու անվան 9–րդ Միջազգային մրցույթի հայտերի ընդունելությունը կտևի մինչև 2015թ.–ի հոկտեմբերի 15–ը։ Այս տարի մրցույթը նվիրված է ռուս մեծ կոմպոզիտոր Պյոտր Իլյիչ Չայկովսկու ծննդյան 175–ամյակին։

Գլխավոր թեմաներ