ԵՐԵՎԱՆ, 8 հուլիսի–Sputnik. Քրիստոսի Պայծառակերպության տոնի (Վարդավառ) կապակցությամբ կուժեղացվի հսկողությունը հանգստյան գոտիներ տանող ավտոճանապարներին, նշվում է ՀՀ ոստիկանության կայքում տեղադրված հաղորդագրության մեջ։
Հաղորդագրության մեջ նաև նշվում է, որ Քրիստոսի Պայծառակերպության տոնի կապակցությամբ հուլիսի 12-ին սպասվում է երթևեկության ինտենսիվության աճ դեպի հանգստյան գոտիներ՝ Ճանապարհային ոստիկանությունը տեղեկացնում է, որ ուժեղացվելու է հսկողությունը Երևան-Սևան-Դիլիջան, Երևան-Աշտարակ, Երևան-Գեղարդ և Կոտայքի մարզի հանգստյան գոտիներ տանող ճանապահահատվածներում:
«Ճանապարհային երթևեկության պատշաճ անվտանգություն ապահովելու, հանգստյան օրերն անցանկալի պատահարներով չմթագնելու նպատակով՝ հորդորում ենք վարորդներին լինել առավել զգոն, պահպանել ճանապարհային երթևեկության կանոնները, տրանսպորտային միջոցը չվարել ալկոհոլային խմիչք օգտագործած վիճակում ու չգերազանցել սահմանված արագությունը», – նշվում է ոստիկանության հաղորդագրության մեջ։
Հայ առաքելական եկեղեցու տոնացույցի համաձայն՝ «Վարդավառ» տոնը նշվում է Զատկից 98 օր հետո, այն Պետրոս, Հովհաննես և Հակոբոս առաքյալների առջև Քրիստոսի այլակերպության հիշատակն է, որն, ըստ ավանդության, տեղի է ունեցել Թաբոր լեռան վրա:
«Վարդավառ» բառն ունի տարբեր նշանակություններ: Մի տարբերակի համաձայն՝ «Վարդավառ» (կամ «Վարդամատն») տոնի անվանումն իր արմատներով ելնում է «վարդ» բառից և նշանակում է «վարդեր շաղ տալ»:
Նախաքրիստոնեական Հայաստանում «Վարդավառը» կապում էին սիրո և գեղեցկության աստվածուհի Աստղիկի և Վահագն աստծո, ինչպես նաև նրանց միջև ծագած սիրո հետ: Նվիրելով վարդեր և շաղ տալով վարդաջուր՝ Աստղիկը սեր էր սերմանում ողջ Հայոց երկրում, իսկ Վահագն աստվածը, մշտապես պայքարելով Չարիքի դեմ, պաշտպանում էր այդ սերը:
Ճանապարհային ոստիկանությունը զգուշացնում է, որ Վարդավառի տոնի կապակցությամբ կուժեղացվի հսկողությունը հանգստյան գոտիներ տանող ավտոճանապարներին
© Sputnik / Александр Макаров
/ Բաժանորդագրվել
Ճանապարհային ոստիկանությունը տեղեկացնում է, որ ուժեղացվելու է հսկողությունը մի շարք մարզերի հանգստյան գոտիներ տանող ճանապահահատվածներում:
