ԵՐԵՎԱՆ, 9 հուլիսի – Sputnik. Քրիստոսի Պայծառակերպության(Վարդավառի)տոնի օրն առաջին անգամ կկիրառվեն շարժական լուսանկարահանող-արագաչափ սարքեր երթևեկության սպասվող ինտեսիվության ավելացման կապակցությամբ, հայտնում է ՀՀ Ճանապարհային ոստիկանության մամուլի ծառայությունը։
Ըստ հաղորդագրության` ուժեղացվելու է հսկողությունը Երևան-Սևան-Դիլիջան, Երևան-Աշտարակ, Երևան-Գեղարդ, ինչպես նաև Կոտայքի մարզի հանգստյան գոտիներ տանող ճանապահահատվածներում:
Նշված ճանապարհահատվածներում, հատկապես Երևան-Սևան և Սևան-Երևան ուղղություններում, սահմանված առավելագույն արագության գերազանցման փաստերը հայտնաբերելու նպատակով, առաջին անգամ կկիրառվեն շարժական լուսանկարահանող-արագաչափ սարքեր:
«Ճանապարհային երթևեկության պատշաճ անվտանգություն ապահովելու, հանգստյան օրերը անցանկալի պատահարներով չմթագնելու նպատակով՝ հորդորում ենք վարորդներին լինել առավել զգոն, պահպանել ճանապարհային երթևեկության կանոնները, տրանսպորտային միջոցը չվարել ալկոհոլային խմիչք օգտագործած վիճակում ու չգերազանցել սահմանված արագությունը»,– նշվում է հաղորդագրությունում։
