12:30 21 հունվարի 2017
Ուղիղ եթեր
Церковь Святой Гаяне в Эчмиадзине

Երևանում անցկացվում է ԱՊՀ մշակութային համագործակցության խորհրդի նիստը

© Sputnik/ А. Экекян
Հայաստան
Ստանալ կարճ հղումը
4 0 0

Խորհրդի նիստին կներկայացվեն 2014 թ.–ի արդյունքներն ամփոփող հաշվետվությունները, կքննարկվեն առաջիկա տարիներին մշակութային միջոցառումների անցկացման ծրագրերը։

ԵՐԵՎԱՆ, 10 հուլիսի– Sputnik. Ուրբաթ Երևանում մեկնարկել է ԱՊՀ անդամ երկրների մշակութային համագործակցության խորհրդի հոբելյանական 20–րդ նիստը։

Հայաստանը 2012 թ.–ից խորհրդի գործող նախագահն է։

Ինչպես բացման արարողության ընթացքում հայտարարեց ՀՀ մշակույթի նախարար, Մշակութային համագործակցության խորհրդի նախագահ Հասմիկ Պողոսյանը, նիստի ժամանակ կամփոփվեն 2014թ.–ի արդյունքները, կներկայացվեն բազային կազմակերպությունների տարեկան հաշվետվությունները։ Նիստի օրակարգում ներառված են նաև ԱՊՀ երկրներում ArtExpo արվեստի ցուցահանդեսի անցկացման հարցերը, մշակույթի ոլորտին վերաբերող 2016–2020 թթ.–ի ծրագրերի քննարկումը։

Պողոսյանը նշեց, որ մասնակից երկրները կներկայացնեն իրենց երկրներում մշակութային քաղաքականության մասին տեղեկագրեր, որոնք ներառում են շատ օգտակար տեղեկատվություն փորձի փոխանակման տեսակետից։

ԱՊՀ շրջանակներում անցկացված մշակութային միջոցառումների թվում նախարարն առանձնացրեց Դելփյան խաղերը` նշելով, որ դա շատ կարևոր նախաձեռնություն է, որը տարեցտարի զարգանում է։ «Հայկական կողմից Դելփյան խաղերին այս տարի մասնակցել է 45 մարդ, մենք արժանացել ենք յոթ ոսկե մեդալի», – նշեց նա։

Միաժամանակ նախարարը հավաքվածների ուշադրությունը հրավիրեց այն փաստին, որ Հայաստանն ամեն տարի կազմակերպում է երաժշտական փառատոներ ԱՊՀ ձևաչափում, մասնավորապես` «Վերածնունդ» միջազգային մրցույթ–փառատոնը և Արամ Խաչատրյանի անվան միջազգային երաժշտական փառատոնը։

Պողոսյանը նաև առաջարկեց համախմբել ջանքերը` ԱՊՀ երկրների շրջանակում համատեղ կինոնախագծերի իրականացման նպատակով։

ԱՊՀ մասնակից պետությունների մշակութային համագործակցության խորհուրդը ստեղծվել է 1995 թ.–ին` ԱՊՀ երկրների միջև մշակութային համագործակցության զարգացմանն աջակցելու նպատակով։

Խորհրդի գործունեության հիմնական ուղղություններն են մշակութային համագործակցության վիճակին վերաբերող հարցերը, մշակութային համագործակցության հետագա զարգացման հնարավորությունների ուսումնասիրումը, այդ թվում` ԱՊՀ–ի շրջանակում մշակութային կապեր ունեցող պետական և հասարակական կառույցների փոխգործակցությունը, ԱՊՀ–ի շրջանակում մշակույթի զարգացման գործընթացների և միտումների ուսումնասիրությունը, մշակույթի ոլորտի բազմակողմ ծրագրերի նախագծերի մշակումն ու քննարկումը, համատեղ միջոցառումների անցկացումը, ԱՊՀ մասնակից պետությունների հասարակական կազմակերպություններին աջակցություն ցուցաբերելը մշակույթի ոլորտի համաձայնեցված գործողությունների մշակման գործում, ԱՊՀ մասնակից պետությունների համատեղ գործունեության համակարգումը մշակույթի ոլորտում։

Գլխավոր թեմաներ