ԵՐԵՎԱՆ, 15 հուլիսի– Sputnik. Ռուս զինծառայող–հացթուխները վարժանքներ են սկսել Հայաստանում, որտեղ ծովի մակերևույթից 2 հազար մետր բարձրության վրա կտեղակայեն դաշտային փռեր, հաղորդում է ՌԻԱ Նովոստին։
«Երեք օրվա ընթացքում երիտասարդ հացթուխները կսովորեն տեղակայել ՊԽԲ–04 տեսակի դաշտային մեխանիզացված հացի գործարաններ և բարձր լեռնային պայմաններում բացառապես բնական մթերքից թխել ցորենի հաց, տարեկանի–ցորենի հաց և տարեկանի հաց` առանց խմորիչի և կոնսերվանտների», –չորեքշաբթի հաղորդում է Հարավային ռազմական օկրուգի մամուլի ծառայությունը։
Զինվորները նշում են, որ մթնոլորտային ցածր ճնշման պայմաններում ծովի մակերևույթից ավելի քան 2 հազար մետր բարձրության վրա համեղ հաց թխելու համար պետք է ընտրել ճիշտ բաղադրատոմսեր, հակառակ դեպքում հացը շատ փխրուն կլինի։
«Վարժանքների ընթացքում երիտասարդ հացթուխները կսովորեն կատարել հացի դաշտային գործարանների տեղակայման նորմատիվներն ու թարմ թխած հացով կապահովեն հրաձգային, տանկային և հրետանային ստորաբաժանումների զինծառայողներին, ովքեր դաշտային վարժանքներ են անցկացնում Ալագյազ հրաձգարանում», – ավելացրել են ՀՌՕ–ից։
Բացի այդ, հացթուխները կկատարեն հաստիքային զենքից կրակելու և նռնակների նետման վարժություններ։
Ռազմական հացթուխները Հայաստանում կազմակերպվող զորավարժությունների ժամանակ հացի դաշտային գործարաններ կտեղակայեն
© Sputnik / Виталий Аньков
/ Բաժանորդագրվել
Ռուս զինծառայող–հացթուխները կսկսեն տեղակայել ՊԽԲ–04 տեսակի դաշտային մեխանիզացված հացի գործարաններ և բարձր լեռնային պայմաններում հաց թխել բնական մթերքից` առանց խմորիչի և կոնսերվանտների։
