10:19 21 օգոստոսի 2017
Ուղիղ եթեր
Премьер-министр Армении Овик Абрамян на конференции «Экономическая повестка» в Ереване

ՀՀ կառավարությունը քննարկել է ավիացիայի ոլորտի զարգացմանը վերաբերող հարցեր

Հայաստան
Ստանալ կարճ հղումը
10 0 0

Խորհրդակցության ընթացքում, մասնավորապես, քննարկվել են ՀՀ կառավարության կողմից «բաց երկնքի» քաղաքականության որդեգրումից հետո ՀՀ քաղավիացիայի ոլորտում ստեղծված իրավիճակը։

ԵՐԵՎԱՆ, 17 հուլիսի-Sputnik. ՀՀ վարչապետ Հովիկ Աբրահամյանի գխավորությամբ կառավարությունում ուրբաթ տեղի է ունեցել խորհրդակցություն Հայաստանի ավիացիայի ոլորտի խնդիրների վերաբերյալ, հաղորդում է կառավարության մամուլի ծառայությունը։

Խորհրդակցությանը մասնակցել են Հանրային խորհրդի նախագահ Վազգեն Մանուկյանը, Հանրային խորհրդի անդամները, պատասխանատու գերատեսչությունների ղեկավարները և ոլորտի մասնագետները:

Խորհրդակցության ընթացքում քննարկվել են ՀՀ կառավարության կողմից «բաց երկնքի» քաղաքականության որդեգրումից հետո ՀՀ քաղավիացիայի ոլորտում ստեղծված իրավիճակը:

Հանրային խորհրդի անդամները ներկայացրել են ոլորտի բարեփոխմանն ուղղված մի շարք առաջարկություններ, որոնք վերաբերում էին Հայաստանի ավիացիոն շուկայի մրցակցության բարձրացմանը, օտարերկրյա ավիաընկերությունների ներգրավմանը, տեղական ավիափոխադրողների հիմնմանը, ավիացիոն ոլորտի օրենսդրության բարելավմանը և այլն:

Ըստ հաղորդագրության` կառավարության ղեկավարը, ամփոփելով մտքերի փոխանակումը, կարևորել է նման ձևաչափով քննարկումները՝ առկա խնդիրները վերհանելու և զարգացման ուղղությունները նախանշելու առումով։

«Ընդգծելով, որ ավիացիայի ոլորտը գտնվում է իր անմիջական ուշադրության կենտրոնում, վարչապետը կառավարության անունից պատրաստակամություն է հայտնել աջակցել ոլորտի զարգացմանն ուղղված յուրաքանչյուր ողջամիտ առաջարկության և հանձնարարել պատասխանատուներին՝ աշխատանքային խմբի շրջանակում շարունակել քննարկումները», – նշվում է կառավարության մամուլի ծառայության հաղորդագրության մեջ։

Գլխավոր թեմաներ