21:34 22 հոկտեմբերի 2017
Ուղիղ եթեր
Сергей Пускепалис

Պուսկեպալիսի առաջին «քլինչը»

© Sputnik/ Асатур Есаянц
Հայաստան
Ստանալ կարճ հղումը
14 0 0

Սերգեյ Պուսկեպալիսի «Քլինչ» ֆիլմը հիմնված է ուսուցչի և երիտասարդ աղջկա բարդ փոխհարաբերությունների մասին պատմության վրա

ԵՐԵՎԱՆ, հուլիսի 17– Sputnik. Անվանի ռուս դերասան Սերգեյ Պուսկեպալիսն ուրբաթ Երևանի լրագրողներին պատմեց իր ռեժիսորական կինդեբյուտի` «Քլինչ» ֆիլմի մասին, որը ներկայացվել է «Ոսկե ծիրան» XII միջազգային կինոփառատոնի «Խաղարկային կինո» անվանակարգում։

Պուսկեպալիսի խոսքով` կինոյում ռեժիսորական դեբյուտի համար նա ընտրել է իր ընկերոջ` գրող և դրամատուրգ Ալեքսեյ Սլապովսկու պիեսը, որը մի ժամանակ բեմադրել է Ուֆայում։

«Քլինչ» ֆիլմի սյուժեն հիմնված է մանկավարժի և նրա աշակերտուհու բարդ փոխհարաբերությունների մասին պատմության վրա։

Կինոժապավենի գլխավոր հերոսը գրականության ուսուցիչ Ֆեդորովն է, ում ոմն երիտասարդ արարած մեղադրում է իր ընկերուհու մահվան մեջ։ Սակայն հետո պարզվում է, որ «մեղադրյալը» դպրոցական է, որը մինչև ականջները սիրահարված է բարդութավորված մանկավարժին։

«Եվ այդ ամենն աստիճանաբար վերածում է ֆիլմը տարօրինակ դրամայի։ Երիտասարդները ոչինչ չեն ներում, մեծերը ոչինչ չեն կարող (ներել)։ Այդպես էլ մնում են անքակտելի գրկախառնության մեջ. հենց դա էլ քլինչ է»,– ասաց ռեժիսորը։

Ֆիլմում հնչում է «Բի2» խմբի երաժշտությունը, ֆիլմի պրոդյուսերն է Ռուբեն Դիշդիշյանը։

Պուսկեպալիսը` կրթությամբ թատերական ռեժիսոր, խոստովանել է, որ պատահմամբ է հայտնվել կինոյի ոլորտում։ «Սկզբից ֆիլմում նկարահանվել է իմ որդին, հետո ռեժիսորը նկատել է ինձ և որոշել ինձ նկարել ֆիլմում։ Աստիճանաբար սկսեցի հասկանալ, թե ինչ է կատարվում։ Եվ այդ ընթացքում ինձ չի լքել սեփական ֆիլմը նկարելու միտքը»,– պատմեց նա։

Պուսկեպալիսը որպես ռեժիսոր է աշխատել տարբեր թատրոններում, ղեկավարել  Սամարայի, Յարոսլավլի, Մագնիտոգորսկի թատերական խմբակները։

Ըստ թեմայի

Հարություն Խաչատրյանը աշնանը ֆիլմ կներկայացնի ԱՄՆ–ում հայ էմիգրանտների մասին
Գերմանացի ռեժիսորը սեփական «ես»-ի որոնումների մասին ֆիլմ է ներկայացրել Երևանում

Գլխավոր թեմաներ