02:28 29 հունիսի 2017
Ուղիղ եթեր
Города мира. Ереван

ՄՀԶՀԿ–ն բացահայտել է Հայաստանի ազգային անվտանգության համար տասը վտանգավոր կազմակերպություններ

© Sputnik/ Кирилл Каллиников
Հայաստան
Ստանալ կարճ հղումը
83001

Հետազոտությունը բացահայտել է մի շարք հասարակական կազմակերպություններ, որոնք կարող են օգտագործվել Հայաստանում գունավոր հեղափոխություն իրականացնելու համար

ԵՐԵՎԱՆ, հուլիսի 18 – Sputnik. Միջազգային հումանիտար զարգացման հասարակական կազմակերպությունը (ՄՀԶՀԿ) ուսումնասիրություն է անցկացրել, որի արդյունքներով Հայաստանի ազգային անվտանգության համար վտանգ ներկայացնող ՀԿ–ների ցուցակ է կազմվել, շաբաթ մամուլի ասուլիսին հայտնել է ՄՀԶՀԿ–ի նախագահ Արման Ղուկասյանը։


Նրա խոսքերով` այդ ցուցակում տասնյակ կազմակերպություններ են, այդ թվում` «Եվրասիա–համագործակցություն» հիմնադրամը, «Բաց հասարակություն –Հայաստան» հիմնադրամը, «Հելսինկյան քաղաքացիական ասամբլեան», «Ապագան քոնն է» ՀԿ–ն, «Կանանց աջակցման երևանյան կենտրոնը», «Կանանց ռեսուրսային կենտրոնը» և PINK կազմակերպությունը։

«Քաղաքացիական հասարակության ինստիտուտներ. հնարավո՞ր է արդյոք նրանց օգտագործումը Հայաստանում   պետական հեղաշրջում անելու համար» թեմայով ուսումնասիրությունն անցկացվել է այս տարվա մայիս–հունիսին Երևանում և Հայաստանի շրջաններում սոցիոլոգիական հարցման հիման վրա։ Հարցվել է 553 մարդ, որոնց 67%-ը` երիտասարդներ։

Հետազոտության մեջ ուսումնասիրվել է հասարակական կազմակերպությունների փորձը և նրանց դերը Վրաստանում, Ուկրաինայում և Ղրղըզստանում գունավոր հեղափոխությունների կազմակերպման մեջ, ներկայացվել է Հայաստանում հասարակական կազմակերպությունների բնութագիրն ու գործունեությունը, որոնք ֆինանսավորվում են արտասահմանյան գրանտների հիման վրա։

«Հետազոտությունը ցույց է տվել, որ մեխանիզմները, որոնք կիրառում են ԱՄՆ և արևմուտքի կողմից ֆինանսավորվող հասարակական կազմակերպությունները, տարբեր երկրներում նույնն են։ Դա երկրում ներքին իրավիճակի ապակայունացումն է, տարվող աշխատանքն է երիտասարդության հետ, որին ներշնչվում է այն գաղափարը, որ նա կարող է դառնալ բարեփոխումների կազմակերպիչ», – ասել է Ղուկասյանը։

ՄՀԶՀԿ նախագահի խոսքերով` ուսումնասիրությունը նաև ցույց է տվել, որ Հայաստանում կա բողոքող զանգված, գրեթե բոլոր բնակիչները դժգոհ են իրավիճակից։ «Շատերը պատրաստ են փողոց դուրս գալ և պայքարել անարդարության դեմ։ Հայաստանում ցանկացած միջադեպ քաղաքականացվում է», – ասել է նա։

Նրա խոսքերով` հետազոտության արդյունքները հաշվի առնելով` Միջազգային հումանիտար զարգացման հասարակական կազմակերպությունը հանդես է եկել մի շարք առաջարկներով։ Մասնավորապես, առաջարկվում է պետության վերահսկողության տակ վերջ դնել հասարակական կազմակերպությունների չվերահսկվող աճին` անվտանգության ապահովման և Հայաստանի շահերի պաշտպանման նպատակով։

«Անհրաժեշտ է ՀԿ–ների գործունեությունն ուղղել դեպի հասարակության համար կարևոր խնդիրների լուծմանը, ինչպես նաև համակարգ մշակել, որը թույլ չի տա արտաքին ուժերին ազդել ներքին սոցիալական և քաղաքական կյանքի վրա տարբեր հասարակական կազմակերպությունների և սոցիալական շարժումների գործունեության միջոցով», – ասել է Ղուկասյանը։

Գլխավոր թեմաներ

  • Հայ-թուրքական սահման

    Ի՞նչ է թուրքական պատը. աշխարհի ամենամեծ սահմանամերձ ամրաշինական կառո՞ւյցը, որը կոչված է պաշտպանելու երկրի տարածքը հարևանների ոտնձգություններից, թե՞ Անկարայի հերթական ձեռնարկը, որին ուղղակի չհաջողվեց Արևմուտքից գումար կորզել սահմանները Սիրիայից Թուրքիա եկող ահաբեկչական ջոկատներից պաշտպանելու համար։

    13
  • Երևանի կենդանաբանական այգուց փախած Վովա փղի վախճանը

    47 տարի առաջ հունիսի 28-ին Երևանում անսովոր իրարանցում էր։ Երևանյան կենդնաբանական այգուց փախել էր Վովա փիղը։ Երևանցիները շտապում էին Մյասնիկյան պողոտա` ականատես լինելու արտառոց դեպքին:

    26
  • Մարթեն Յորգանց

    Հայտնի երգահան և երգիչ Մարթեն Յորգանցը հինգ տարի դադարից հետո կրկին պատմական հայրենիքում է։ Այս անգամ նա լավ լուր ունի. շուտով Հայաստանի քաղաքացի կդառնա։

    45