18:01 20 հունվարի 2017
Ուղիղ եթեր
Флаги Евросоюза в Берлине

Սարգսյանը հույս ունի, որ ԵՄ–ի հետ նոր պայմանագրի մասին բանակցությունները շուտով կմեկնարկեն

© Sputnik/ Владимир Астапкович
Հայաստան
Ստանալ կարճ հղումը
8 0 0

Հայաստանի նախագահ Սերժ Սարգսյանը կարծում է, որ ԵՄ–ի հետ համագործակցության մասին նոր պայմանագիրը նոր էջ կբացի երկկողմ հարաբերություններում

ԵՐԵՎԱՆ, հուլիսի 20– Sputnik. Հայաստանի նախագահ Սերժ Սարգսյանը հույս հայտնեց, որ Հայաստան–ԵՄ համագործակցության իրավական պայմանագրի մասին բանակցությունները շուտով կմեկնարկեն։

«Ես լիահույս եմ, որ շուտով կսկվեն Հայաստան–ԵՄ իրավական փաստաթղթի վերաբերյալ բանակցությունները, որոնց հաջող ավարտը նոր էջ կբացի երկկողմ հարաբերություններում»,– երկուշաբթի Երևանում ասաց Սարգսյանը Եվրոպայի խորհրդի նախագահ Դոնալդ Տուսկի հետ համատեղ ճեպազրույցում։

Նրա խոսքով` Հայաստանը շահագրգռված է կարևորագույն գործընկերներից մեկի` Եվրամիության հետ հարաբերությունների ընդլայնման մեջ, որով կնպաստի կողմերի միջև ձևավորված բազմամյա կառուցողական երկխոսությանը։

«Հայաստանի և Եվրամիության միջև հարաբերությունները դինամիկ են զարգանում։ Համոզված եմ, որ մեր հարաբերությունների ամրապնդումը, Հայաստանում  ժողորդավարական գործընթացների և բարեփոխումների խորացումը կկրեն հետևողական բնույթ»,– ասաց Սարգսյանը

Իր հերթին, Տուսկը նշեց, որ Եվրոպան հարգում է ԵՄ–ի հետ ասոցացման մասին պայմանագիրը չստորագրելու Հայաստանի որոշումը։

«Մենք պատրաստ ենք խորացնել մեր հարաբերությունները ժողովրդավարական բարեփոխումների, տնտեսական համագործակցության ոլորտում։ Եվրոպական երկրներն արդեն քննարկում են նոր իրավական պայմանագրի շուրջ բանակցություններ սկսելու մանդատ տրամադրելու հարցը»,– ասաց Տուսկը։

Նա նաև նշեց, որ Հայաստանը կարող է հուսալ Եվրոպայի օգնությանը սոցիալական և իրավական բարեփոխումներում, մարդու իրավունքների և ժողովրդավարացման համար պայքարում։.

Ավելի վաղ նախատեսվել է, որ Երևանը ԵՄ–ի հետ կստորագրի ասոցիացիայի և ազատ առևտրի գոտու մասին համաձայնագիր 2013թ.–ի նոյեմբերին Վիլյնուսում կայացած «Արևելյան գործընկերության» գագաթնաժողովում։ Սակայն 2013թ.–ի սեպտեմբերին Հայաստանը հայտարարեց Մաքսային միություն մտնելու և Եվրասիական տնտեսական միության ձևավորման մեջ հետագայում մասնակցություն ունենալու մտադրության մասին։ Հայաստանը ԵՏՄ լիիրավ անդամ դարձավ 2015թ.–ի հունվարի 2–ից։

Գլխավոր թեմաներ