02:29 29 հունիսի 2017
Ուղիղ եթեր
Арцах, НКР

Սարգսյանը հայտարարել է ղարաբաղյան հարցում խելամիտ փոխզիջումների գնալու պատրաստակամության մասին

© Weltrekordreise
Հայաստան
Ստանալ կարճ հղումը
9 0 0

Հայաստանի նախագահ Սարգսյանը հիշեցրեց, որ Արցախի ժողովրդի` սեփական ճակատագիրն ինքնուրույն որոշելու իրավունքը վաղուց չի բողոքարկվում

ԵՐԵՎԱՆ, 20 հուլիսի  – Sputnik. Հայկական կողմը ղարաբաղյան հարցում պատրաստ է խելամիտ փոխզիջումների, երկուշաբթի ասաց Հայաստանի նախագահ Սերժ Սարգսյանը։

«Որքան էլ Ադրբեջանը փորձի խեղաթյուրել հակամարտության էությունը, Լեռնային Ղարաբաղի ժողովրդի ազատ կամարտահայտումը, սեփական ճակատագիրն ինքնուրույն որոշելու նրա իրավունքը վաղուց արդեն չի բողոքարկվում, ավելին, այն ամրագրված է Մինսկի խմբի համանախագահների հայտարարություններում։ Այդ հայտարարությունների շրջանակում մենք պատրաստ ենք գնալ խելամիտ փոխզիջումների ուղիով»,– երկուշաբթի ասաց Սարգսյանը Երևանում Եվրախորհրդի ղեկավար Դոնալդ Տուսկի հետ համատեղ ճեպազրույցում։

Տուսկն իր հերթին նշեց, որ հակամարտության խաղաղ կարգավորումը ԵՄ–ի առաջնահերթություններից է։

«Եվրոպայի միությունը սատարում է ղարաբաղյան հակամարտության լուծմանն ուղղված բանակցություններին, որոնք իրականացնում է ԵԱՀԿ Մինսկի խումբը։ Մենք կողմ ենք նաև բարձր մակարդակով հանդիպումների»,– ասաց Տուսկը` կոչ անելով հակամարտության կողմերին զերծ մնալ ռազմատենչ հայտարարություններից։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ.–ի դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Հանրաքվեին հաջորդեցին Ադրբեջանի ձեռնարկած ռազմական լայնածավալ գործողությունները, որոնց հետևանքով Ադրբեջանը կորցրեց վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ.–ի մայիսի 12-ին զինադադարի վերաբերյալ եռակողմ համաձայնագիր կնքելուց հետո հակամարտության գոտում դադարեցին ռազմական գործողությունները, որոնց հետևանքով երկու կողմն ընդհանուր առմամբ շուրջ 25-30 հազար զոհ ունեցավ, իսկ մոտ մեկ միլիոն մարդ էլ ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակում, որի համանախագահներն են ԱՄՆ-ն, Ռուսաստանը և Ֆրանսիան:

Գլխավոր թեմաներ

  • Հայ-թուրքական սահման

    Ի՞նչ է թուրքական պատը. աշխարհի ամենամեծ սահմանամերձ ամրաշինական կառո՞ւյցը, որը կոչված է պաշտպանելու երկրի տարածքը հարևանների ոտնձգություններից, թե՞ Անկարայի հերթական ձեռնարկը, որին ուղղակի չհաջողվեց Արևմուտքից գումար կորզել սահմանները Սիրիայից Թուրքիա եկող ահաբեկչական ջոկատներից պաշտպանելու համար։

    13
  • Երևանի կենդանաբանական այգուց փախած Վովա փղի վախճանը

    47 տարի առաջ հունիսի 28-ին Երևանում անսովոր իրարանցում էր։ Երևանյան կենդնաբանական այգուց փախել էր Վովա փիղը։ Երևանցիները շտապում էին Մյասնիկյան պողոտա` ականատես լինելու արտառոց դեպքին:

    26
  • Մարթեն Յորգանց

    Հայտնի երգահան և երգիչ Մարթեն Յորգանցը հինգ տարի դադարից հետո կրկին պատմական հայրենիքում է։ Այս անգամ նա լավ լուր ունի. շուտով Հայաստանի քաղաքացի կդառնա։

    45