08:52 28 մայիսի 2017
Ուղիղ եթեր
Футболисты Юра Мовсисян и Араз Озбилиз

Հայաստանն ու Ռուսաստանը քննարկում են ԵՏՄ երկրների լեգեոներ–ֆուտբոլիստների կարգավիճակը

© Sputnik/ Александр Вильф
Հայաստան
Ստանալ կարճ հղումը
37 0 0

ԵՏՄ լեգեոներ–ֆուտբոլիստների կարգավիճակը կարող է փոխվել Հայաստանում և Ռուսաստանում, գրում է «Սպորտ–Էքսպրեսը»

ԵՐԵՎԱՆ, 20 հուլիսի– Sputnik. Հայաստանի և Ռուսաստանի միջև բանակցություններ են ընթանում կառավարական մակարդակով կապված Եվրասիական տնտեսական միության (ԵՏՄ) լեգեոներ–ֆուտբոլիստների կարգավիճակի հետ, գրում է «Սպորտ–Էքսպրեսը»։

ԵՏՄ–ի կազմում ընդգրկված են Ռուսաստանը, Բելառուսը, Ղազախստանը, Հայաստանը, շուտով  միությանը կմիանա նաև Ղրղըզստանը։

«ՍԷ» նշում է, որ ԵՏՄ–ի բոլոր կանոնների համաձայն, միության պետություններից ցանկացած ֆուտբոլիստ այդ երկրների առաջնություններում չպետք է համարվի արտասահմանյան աշխատուժ։

Ավելի վաղ Ռուսաստանի սպորտի նախարար և ֆուտբոլային միության (ՌՖՄ) նախագահի թեկնածու Վիտալի Մուտկոն հնարավոր է համարել, որ Բելառուսի, Ղազախստանի, Հայաստանի և Ղրղըզստանի ֆուտբոլիստները չհամարվեն  լեգեոներներ, սակայն,  դա կլինի ոչ շուտ քան 2018 թվականը` Ռուսաստանում աշխարհի առաջնության անցկացումից հետո։

2015 թվականի հուլիսի 1-ին Ռուսաստանի նախագահ Վլադիմիր Պուտինը ստորագրել է կառավարության նախաձեռնած և Պետդումայի կողմից հաստատված օրենքը ձմեռային և ամառային խաղային սպորտաձևերում լեգեոներների քանակի սահմանափակման մասին։

Իսկ հուլիսի 14-ին ՌՖՄ–ի գործադիր կոմիտեն հաստատել է ՌՖՊԼ–ի նոր լեգեոներների սահմանաչափը, որի համաձայն դաշտում միաժամանակ չեն կարող գտնվել վեց ֆուտբոլիստներից ավել, որոնք իրավունք չունեն մասնակցելու Ռուսաստանի հավաքականի կազմում։

Բացառված չէ, որ մյուս  խաղաշրջանում սահմանափակումը կհստացվի, և խաղադաշտ կկարողանան դուրս գալ միաժամանակ հինգ օտարերկրացիներից ոչ ավել։

«ՍԷ»–ն արդեն գրել էր, որ դեռևս 2012 թվականին Բարձրագույն եվրասիական տնտեսական խորհրդի որոշմամբ սկսել են գործել Միասնական տնտեսական տարածք ձևավորող 17 բազային միջազգային պայմանագրեր։

Պայմանագրերից մեկը նախատեսում է «սահմանափակումների վերացում ԵՏՀ մասնակից–երկրների (Եվրասիական տնտեսական հանձնաժողով) քաղաքացիների աշխատաշուկայի մասով, քվոտավորման չեղյալ հայտարարելը, աշխատանքային միգրանտների աշխատանքի պարտադիր թույլատվության չեղյալ հայտարարելը, միգրացիոն հաշվառման ավելի լիբերալ կարգ»։

Ռուսաստանից բացի ԵՏՄ–ի ևս երկու երկրներում, գոյություն ունի լեգեոներների սահմանափակում։ Ղազախստանում խաղաշրջանի հայտում լեգեոներների թիվը չպետք է գերազանցի 8–ը և դաշտում` 5-ը։ Բելառուսում միաժամանակ կազմում չեն կարող խաղալ 4 օտարերկրացի։ Ճիշտ է, եթե պայմանագրի ստորագրման պահին  խաղացողը օրացուցային տարվա ընթացքում անցկացրել է խաղերի 50 տոկոսը իր թիմի կազմում, ապա նա լեգեոներ չի համարվում։

Հայաստանում որպես այդպիսին սահմանափակում չկա, բացառությամբ դարպասապահի պաշտոնի` օտարերկրյա դարպասապահներ ոչ հայտում և ոչ էլ դաշտում լինել չեն կարող։

Գլխավոր թեմաներ