00:06 21 հունվարի 2017
Ուղիղ եթեր
Лидия Слепцова, Екатерина Минсафина и Анжела Кристева - организаторы проекта «Добро без границ: Россия-Армения»

Հայ երեխաները կկարողանան իրենց նկարները ներկայացնել ցուցահանդեսին Մոսկվայում

© Sputnik. Самвел Сепетчян
Հայաստան
Ստանալ կարճ հղումը
17 0 0

«Բարությունն առանց սահմանների. Ռուսաստան–Հայաստան» նախագծի ղեկավար, խաղաղության երիտասարդական դեսպան Եկատերինա Մինսաֆինան հուսով է, որ կտանի հայ երեխաների նկարները Մոսկվայում կայանալիք «Խաղաղության հրեշտակ» ցուցահանդեսին։

ԵՐԵՎԱՆ, 21 հուլիսի – Sputnik. Հայ երեխաների, այդ թվում Հայաստանի ծնողազուրկ երեխաների և մանկատների սաների նկարները կարող են ներկայացվել Մոսկվայում կայանալիք «Խաղաղության հրեշտակ» ցուցահանդեսին, հայտնել է «Բարություն առանց սահմանների. Ռուսաստան–Հայաստան» նախագծի ղեկավար, խաղաղության երիտասարդական դեսպան Եկատերինա Մինսաֆինան։

Ծնողազուրկ, սահմանափակ հնարավորություններով, բազմազավակ ընտանիքների երեխաների նկարների «Խաղաղության հրեշտակ» ցուցահանդեսը կանցկացվի հոկտեմբերին Մոսկվայում։ Ցուցահանդեսի կազմակերպիչներից է  «Բարություն առանց սահմանների. Ռուսաստան–Հայաստան» նախագիծը։

«Ցուցահանդեսը կկայանա կամ Հանրային պալատում, կամ Դաշնային խորհրդում։ Երեխաների նկարներում պետք է հրեշտակներ պատկերված լինեն։ Մեզ ասացին, որ անհամբեր սպասում են հայ «հրեշտակների» աշխատանքներին», – երեքշաբթի Երևանում մամուլի ասուլիսին ասել է Մինսաֆինան։

Նրա խոսքերով` ցուցահանդեսի բոլոր մասնակիցները մրցանակներ կստանան։ «Մենք չենք ուզում առաջնորդվել «Միանգամից ամեն ինչ տալ» սկզբունքով, մենք ուզում ենք երեխաներին կարթեր տալ և սովորեցնել ինքնուրույն որևէ բան անել», – ասել է Մինսաֆինան։

«Բարություն առանց սահմանների. Ռուսաստան–Հայաստան» նախագծի նպատակն է մանկատների սաներին օգնելը, ինչպես նաև Հայաստանի և Ռուսաստանի միջև բարեկամական հարաբերությունների ամրապնդումը, ռուսատյաց տրամադրությունների կանխումը։

Գլխավոր թեմաներ