21:41 21 նոյեմբերի 2017
Ուղիղ եթեր
Города мира. Ереван

Տնտեսագետ.Կոռուպցիայի մակարդակը նվազեցնելու համար անհրաժեշտ է վերացնել այն ծնող պատճառները

© Sputnik/ Кирилл Каллиников
Հայաստան
Ստանալ կարճ հղումը
27 0 0

Տնտեսագետ Գագիկ Մակարյանը նշել է, որ կոռուպցիայի մակարդակը կնվազի միայն դրա պատճառները վերացնելուց հետո

ԵՐԵՎԱՆ, 22 հուլիսի – Sputnik. Կոռուպցիայի մակարդակը նվազեցնելու համար նախևառաջ անհրաժեշտ է վերացնել այն ծնող պատճառները,  «Sputnik-Արմենիա» ռադիոկայանին ասել է Գործատուների միության նախագահ Գագիկ Մակարյանը, ավելացնելով, որ Հայաստանում կոռուպցիան ծնող պատճառները բազմազան են:

Նա որպես օրինակ բերել է կրթական համակարգի հետևյալ մոդելը` եթե ուսանողը վատ է սովորում, ապա դասախոսն էլ հակված է գումար վերցնել ու գնահատական նշանակել:Այդ համատեքստում նա նշել է, որ բավականաչափ իրավական գիտելիքներ չունենալու պատճառով ստուգող մարմինների հետ շփումներում գործատուները չեն կարողանում պաշտպանել իրենց իրավունքներն ու շահերը և  խնդիրներն էլ ճիշտ ներկայացնել։

Նա նկատել է, որ շատ դեպքերում պլանային քայլերի հետևից ընկնելով`  մշակվում են ծրագրեր, որոնք հաճախ վերացական են, իրականությունից կտրված, այսինքն, եվրոպական կառույցների կողմից ֆինանսավորվող այս կամ այն ծրագիրն իրականացնելիս առաջնահերթությունը տրվում է գումարին, իսկ ծրագրի նպատակահարմարությունը, արդյունավետությունը մղվում է երկրորդ պլան

«Մենք հրապուրվում ենք երևույթներով, որոնց հենքում փողն է: Պետական պաշտոնյաները սկսում են աշխատել այդ ծրագրի վրա, արդյունքում՝ ստեղծում են ինչ-որ թուղթ և դրանով ավարտվում է: Ինստիտուցիոնալ առումով մենք չենք պայքարում»,- ավելացրել է տնտեսագետը:

Ինստիտուցիոնալ փորձի տեսնակյունից նա ներկայացրել է Վրաստանի օրինակը՝ ընդգծելով, որ երկրում սահմանվեց խիստ վերահսկողություն, կիրառվեցին պատժամիջոցներ, ընդհուպ՝ փոփոխություններ աշխատակազմում:

Անդրադառնալով Հայաստանում տարբեր ոլորտներում ներդրված էլեկտրոնային համակարգի արդյունավետությանը՝ Գագիկ Մակարյանը նշել է, որ համակարգը դեռ թույլ հիմքերի վրա, ընդգծելով հասարակական գիտակցության պակասի առկայությունը։

«Առաջինը մեր ժողովուրդը հակված է կաշառք տալու, որովհետև համբերատար չէ: Երբ պետք է ինչ-որ բան ստանալ, բայց ասվում է հաջորդ օրը մոտեցեք, ապա ցանկություն է առաջանում «մի բան» տալ և այսօր ստանալ: Երկրորդը,  մարդիկ չեն սիրում կարդալ օրենքները, իմանալ և հետևել դրանց: Այսինքն՝ քաղաքացիական հասարակության, քաղաքացիների իրավագիտակցության բարձրացման խնդիր կա, որը պետք է սկսել դպրոցից, բուհից: Իսկ մեր կրթական ծրագրերում երբևէ խոսվո՞ւմ է դրա մասին, երբևէ  փորձո՞ւմ ենք մեր սերունդներին դաստիարակել այդ հոգեբանությամբ, իհարկե՝ ոչ»,-նկատել է բանախոսը: Այս խնդիրների լուծման հարցում փորձագետը չի ընդունում «պայքարելու մեթոդը», քանի որ այն ենթադրում է ձերբակալել, դատել: «Այնինչ, ինստիտուցիոնալ բարեփոխումներով վերացվում են պատճառները»,- համոզմունք է հայտնել Գործատուների միության նախագահը:

Գլխավոր թեմաներ