02:55 21 օգոստոսի 2017
Ուղիղ եթեր
Выставка городской скульптуры в Ереване

Երևանում բացվել է քաղաքային քանդակի աննախադեպ ցուցադրություն

© Sputnik/ Самвел Сепетчян
Հայաստան
Ստանալ կարճ հղումը
261 0 0

Առաջին անգամ քանդակագործները ոչ միայն ներկայացնում են իրենց աշխատանքները, այլ նաև առաջարկում, թե քաղաքում հատկապես որտեղ կարող են ցուցադրվել դրանք, ասաց Հայաստանի նկարիչների միության նախագահ Կարեն Աղամյանը։

ԵՐԵՎԱՆ, հուլիսի 23– Sputnik. Երևանում հինգշաբթի Նկարիչների միությունում բացվեց քաղաքային քանդակի աննախադեպ ցուցահանդես։

Հանդիսատեսի ուշադրությանը ներկայացվեցին 26 քանդակագործների ավելի քան 50 աշխատանքներ։

«Հայաստանի նկարիչների միությունում նման ցուցահանդես կազմակերպվում է առաջին անգամ։ Առաջին անգամ քանդակագործները ոչ միայն ներկայացնում են իրենց աշխատանքները, այլ նաև առաջարկում, թե քաղաքում հատկապես որտեղ կարող են դրանք ցուցադրվել»,– ասաց Հայաստանի նկարիչների միության նախագահ Կարեն Աղամյանը ցուցահանդեսի բացման ժամանակ։

Նրա կարծիքով` ցուցահանդեսի կարևորությունն այն է, որ «մենք սկսել ենք մոռանալ այնպիսի ժանրի մասին, ինչպիսին է քաղաքային քանդակը»։

«Ավելի հաճախ մեր փողոցներում հայտնվում են հուշարձաններ կամ հուշատախտակներ։ Բայց ողջ աշխարհում պահանջված է փոքր քաղաքային ձևի, քաղաքային քանդակի ժանրը»,– ասաց Աղամյանը։

Երևանի գլխավոր ճարտարապետ Տիգրան Բարսեղյանն իր հերթին ասաց, որ ցուցահանդեսի այցելուներին բացառիկ հնարավորություն է ընձեռվում ծանոթանալ քանդակների հավաքածուին, որն ամբողջությամբ համապատասխանում է ժամանակի պահանջներին։

«Ոչ միայն Երևանը, այլ նաև ողջ Հայաստանը վաղուց սպասել է նման ցուցահանդեսի, որպեսզի գնահատի այն, ինչ ունենք»,– ասաց Բասեղյանը։

Նա հույս հայտնեց, որ բոլոր աշխատանքներն արժանի տեղ կգտնեն Երևանի տարբեր անկյուններում։

Գլխավոր թեմաներ