02:29 29 հունիսի 2017
Ուղիղ եթեր
Аэровокзал в Ереване

Հանրային խորհուրդը կողմ է «Զվարթնոց» օդանավակայանի հին մասնաշենքի կենտրոնական աշտարակի պահպանմանը

© Sputnik/ Александр Гращенков
Հայաստան
Ստանալ կարճ հղումը
2210

Հանրային խորհուրդն ուրբաթ որոշում է ընդունել «Զվարթնոց» օդանավակայանի հին մասնաշենքի կենտրոնական աշտարակը պահպանելու մասին։

ԵՐԵՎԱՆ, 24 հուլիսի – Sputnik. Հայաստանի Հանրային խորհուրդն ուրբաթ որոշել դրական գնահատել կոնցեսիոներ` «Արմենիա» միջազգային օդանավակայաններ» ՓԲԸ–ի նոր առաջարկությունը՝ պահպանելու «Զվարթնոց» օդանավակայանի հին մասնաշենքի կենտրոնական աշտարակը,  հայտնում է խորհրդի պաշտոնական կայքը։

Միաժամանակ խորհուրդը վերահաստատել է, որ կառույցի ամբողջական տեսքի պահպանումը, հատկապես մասնագետների հավաստմամբ, հնարավոր է մասնաշենքի նպատակային օգտագործման և ճարտարապետական արժևորման տեսանկյունից:

Որոշմամբ առաջարկվում է նաև դիմել ՀՀ կառավարությանը` «Զվարթնոցի» հին մասնաշենքի պահպանման և օգտագործման խնդրի լուծմանը կառույցի հեղինակներին և Հայաստանի անվանի ճարտարապետներին ներգրավելու խնդրով։

Փաստաթղթում նշվում է, ո «Արմենիա» միջազգային օդանավակայաններ» ՓԲԸ-ի  առաջարկած՝ «Զվարթնոց» օդանավակայանի առաջիկա հինգ տարիների զարգացման ծրագրի շրջանակներում հին ուղևորային համալիրի քանդման հետ կապված հարցը բացասաբար ընդունվեց թե՛ Հայաստանի հանրության և թե՛ ճարտարապետների կողմից, որի արդյունքում 2013 թվականին ՀՀ ԿԱ քաղաքացիական ավիացիայի գլխավոր վարչությունը դիմեց ՀՀ Հանրային խորհուրդ՝ կազմակերպելու հանրային մասնագիտական քննարկումներ խնդրի առնչությամբ:

Հանրային խորհուրդն իր ենթահանձնաժողովներում քննարկեց հարցը՝ ներգրավելով մասնագետների, Հայաստանի ճարտարապետների միության ներկայացուցիչների, այնուհետև ՀԽ լիագումար նիստում (13.11.2013թ.) դեմ արտահայտվեց քանդմանը՝ Կոնցեսիոներին առաջարկելով վերանայել իր ծրագիրը՝ հիմքում ունենալով հին ուղևորային համալիրի պահպանման խնդիրը, քանի որ այն հանդիսանում է մշակութային արժեք և Երևանի խորհրդանիշներից մեկը:

Քննարկումների ժամանակ նշվում էր նաև, որ ՀՀ կառավարության լիազոր մարմինը, արձագանքելով Վիեննայում կայացած միջազգային կոնգրեսում հնչած բանաձևին, դեռևս 15.01.2013թ. միջազգային կառույցներին հասցեագրած իր գրությամբ երաշխավորել է «Զվարթնոց» օդանավակայանի շինության պահպանությունը:

2015 թվականի հունիսի 6–ին Հանրային խորհուրդը Հայաստանի կառավարությունից ստացավ նամակ (այն ուղղված էր նաև պետական մի շարք մարմինների) քննարկելու Կոնցեսիոների կողմից «Զվարթնոց» օդանավակայանի հին ուղևորային համալիրի զարգացման ծրագրի նոր տարբերակ:

ՀԽ ենթահանձնաժողովները, գնահատելով Կոնցեսիոների ձգտումը՝ մասնակիորեն պահպանել կառույցը, բացասական կարծիք հայտնեցին նոր տարբերակի վերաբերյալ՝ նշելով, որ հին մասնաշենքի ամբողջական պահպանման համար կան չքննարկված տարբերակներ:

«Արմենիա — միջազգային օդանավակայաններ» ՓԲԸ-ն շահագործում է «Զվարթնոց» օդանավակայանը՝ համատեղ շահագործման պայմանագրի համաձայն, որը հայկական կառավարությունը կնքել էր 2001-ին` 30 տարի ժամկետով։ Ձեռնարկության սեփականատերն է արգենտինական American International Airports ընկերությունը, որը պատկանում է Արգենտինայի քաղաքացի հայազգի Էդուարդո Էռնեկյանին։

«Զվարթնոց» միջազգային օդանավակայանը ստեղծվել է ճարտարապետներ Ա. Թարխանյանի, Ս. Խաչիկյանի, Լ. Չերքեզյանի, Ժ. Շեխլյանի, Ա. Տիգրանյանի, Ա. Մեսչյանի և նախագծող Ս. Բաղդասարյանի նախագծով, այն շահագործման է հանձնվել 1980 թ.–ին։ Օդանավակայանը գտնվում է Երևանից 12 կմ դեպի արևմուտք։

Գլխավոր թեմաներ

  • Հայ-թուրքական սահման

    Ի՞նչ է թուրքական պատը. աշխարհի ամենամեծ սահմանամերձ ամրաշինական կառո՞ւյցը, որը կոչված է պաշտպանելու երկրի տարածքը հարևանների ոտնձգություններից, թե՞ Անկարայի հերթական ձեռնարկը, որին ուղղակի չհաջողվեց Արևմուտքից գումար կորզել սահմանները Սիրիայից Թուրքիա եկող ահաբեկչական ջոկատներից պաշտպանելու համար։

    13
  • Երևանի կենդանաբանական այգուց փախած Վովա փղի վախճանը

    47 տարի առաջ հունիսի 28-ին Երևանում անսովոր իրարանցում էր։ Երևանյան կենդնաբանական այգուց փախել էր Վովա փիղը։ Երևանցիները շտապում էին Մյասնիկյան պողոտա` ականատես լինելու արտառոց դեպքին:

    26
  • Մարթեն Յորգանց

    Հայտնի երգահան և երգիչ Մարթեն Յորգանցը հինգ տարի դադարից հետո կրկին պատմական հայրենիքում է։ Այս անգամ նա լավ լուր ունի. շուտով Հայաստանի քաղաքացի կդառնա։

    45