13:18 24 հունվարի 2017
Ուղիղ եթեր
Павел Нерлер и Лилит Меликсетян

Հայաստանում հարկավոր է ըստ արժանվույն նշել Մանդելշտամի հոբելյանը

© Sputnik/ Асатур Есаянц
Հայաստան
Ստանալ կարճ հղումը
17 0 0

Մանդելշտամը եղել է Հայաստանում, գովերգել երկիրն իր բանաստեղծություններում և արձակում։ Անգնահատելի է այն փաստը, որ «ձայնազուրկ», հալածված բանաստեղծը հենց Հայաստանում է կրկին ստեղծագործելու հնարավորություն ստացել, ասաց Ռուս–հայկական սլավոնական համալսարանի համաշխարհային գրականության և մշակույթի ամբիոնի վարիչ Լիլիթ Մելիքսեթյանը։

ԵՐԵՎԱՆ, 24 հուլիսի– Sputnik. Հայաստանում 2016թ.–ին անհրաժեշտ է պատշաճ կերպով նշել XX դարի մեծագույն բանաստեղծ Օսիպ Մանդելշտամի 125–ամյակը, ասաց Ռուս–հայկական սլավոնական համալսարանի համաշխարհային գրականության և մշակույթի ամբիոնի վարիչ Լիլիթ Մելիքսեթյանը

«Մանդելշտամը եղել է Հայաստանում, գովերգել երկիրն իր բանաստեղծություններում և արձակում։  Անգնահատելի է այն փաստը, որ «ձայնազուրկ», հալածված բանաստեղծը հենց Հայաստանում է կրկին ստեղծագործելու հնարավորություն ստացել», –ուրբաթ «Sputnik Արմենիա» մամուլի կենտրոնում ասաց Մելիքսեթյանը ։

Նրա խոսքով` Ռուս–հայկական սլավոնական համալսարանը ԵՊՀ–ի ռուսաց լեզվի և գրականության ֆակուլտետի հետ համատեղ դեռ նախորդ տարի դիմել էր քաղաքապետարան` խնդրելով, որ բանաստեղծի հիշատակը հավերժացվի Երևանում։

«Ղարաբաղի մեր գործընկերները ևս պատրաստակամություն են հայտնել աջակցել մեր նախաձեռնությանը` ի հիշատակ այն փաստին, որ բանաստեղծը կնոջ հետ եղել է Շուշիում», – ասաց Մելիքսեթյանը։

Մանդելշտամյան միության նախագահ Պավել Ներլերն իր հերթին նշեց, որ հանդես է եկել մի շարք առաջարկներով այն մասին, թե կոնկրետ ինչպես Հայաստանում կարելի է նշել նման կարևոր իրադարձությունը։ Նրա կարծիքով` բանաստեղծի հիշատակը մարմնավորելու լավագույն միջոցը քարից ժայթքող աղբյուրն է` որպես Հայաստանում բանաստեղծ Մանդելշտամի վերածննդի վկայություն։

«Լավ կլիներ, եթե հաջորդ տարի լույս տեսներ Մանդելշտամի ստեղծագործությունների հայերեն թարգմանությունների հոբելյանական հրատարակությունը։ Իսկ մենք կփորձենք լավ գիրք ստեղծել, որը կպատմի բանաստեղծի` հայկական հողում գտնվելու մասին», – ասաց Ներլերը։

Այս կապակցությամբ նա ընդգծեց, որ «Հայաստան» բանաստեղծությունների շարքը, ինչպես նաև «Ճանապարհորդություն դեպի Հայաստան» գիրքը Մանդելշտամի ընթերցողների և երկրպագուների համար բացահայտել են Հայաստանը։

Պատասխանելով Sputnik–ի այն հարցին, թե Ռուսաստանում ի՞նչ միջոցառումներ են նախատեսվում կազմակերպել բանաստեղծի հոբելյանական տարում` Ներլերը նշեց, որ միությունն աշխատում է Մանդելշտամի ստեղծագործությունների վեցհատորյակի ակադեմիական հրատարակության, ինչպես նաև մանդելշտամյան հանրագիտարանի վրա։
«2016թ.–ին Մոսկվայում կկազմակերպվեն մանդելշտամյան ընթերցումներ և բանաստեղծին նվիրված ցուցահանդես, որը կներկայացվի տարբեր քաղաքներում։ Բացառված չէ, որ ցուցահանդես կկազմակերպվի նաև Հայաստանում», – ասաց Ներլերը։

Օսիպ Մանդելշտամը (1891-1938 թթ) ռուս բանաստեղծ է, արձակագիր,  թարգմանիչ և գրական քննադատ։ Նա XX դարի մեծագույն ռուս բանաստեղծներից է։ Մանդելշտամը «Քար», «Tristia» («Տխուր էլեգիաներ»), «Ժամանակի աղմուկը», «Եգիպտական դրոշմանիշ» ժողովածուների, «Հայաստան» բանաստեղծությունների շարքի, «Ճանապարհորդություն դեպի Հայաստան» գրքի հեղինակն է։

Գլխավոր թեմաներ