17:51 23 հունիսի 2017
Ուղիղ եթեր
Города мира. Тегеран

Դեսպան. մաքսային սակագների իջեցումը խթանում է ԵՏՄ–ի և Իրանի կապերը

© Sputnik/ Владимир Федоренко
Հայաստան
Ստանալ կարճ հղումը
3610

Մաքսային արտոնյալ սակագները թույլ են տալիս խորացնել Իրանի և ԵՏՄ–ի փոխգործակցությունը, ասել է Հայաստանում ԻԻՀ դեսպան Մոհամմադ Ռեիսին

ԵՐԵՎԱՆ, 24 հուլիսի – Sputnik. ԵՏՄ–ի և Իրանի միջև մաքսային սակագների իջեցման մասին համաձայնագրի ստորագրումը մեծ դեր կունենա կողմերի միջև փոխհարաբերությունների խորացման հարցում, ուրբաթ լրագրողներին ասաց Հայաստանում ԻԻՀ արտակարգ և լիազոր դեսպան Մոհամմադ Ռեիսին։

«ԵՏՄ–ն` 200 մլն բնակչությամբ, բավականին մեծ շուկա է ինչպես միության անդամների, այնպես էլ Իրանի համար։ ԵՏՄ–ի որոշ երկրներ Իրանի հարևաններն են ինչպես ցամաքային, այնպես էլ ջրային տարածքներով։ Եթե մենք կարողանանք ԵՏՄ–ի հետ արտոնյալ գների հետ կապված համաձայնություն ձեռք բերել, ապա դա մեծ դեր կունենա երկկողմանի հարաբերությունների զարգացման մեջ», – ասաց Ռեիսին։

ԵՏՄ–ի առևտրի գծով կոլեգիայի անդամ (նախարար) Անդրեյ Սլեպնյովն ավելի վաղ հայտնել էր, որ ԵՏՄ–ն Իրանի հետ նախատեսում է բանակցություններ սկսել ազատ առևտրի գոտու ստեղծման վերաբերյալ։

Ռեիսին նաև նշեց, որ հյուսիս–հարավ երկաթգծի շինարարությունը կապահովի ամենակարճ ճանապարհը, որի միջոցով Իրանը կապ կունենա Սև ծովի հետ։

«Այդ ճանապարհով ապրանքները Պարսից ծոցի հարևան երկրներից, ինչպես նաև Ասիայի հարավ–արևելյան պետություններից կկարողանան արտահանվել սկզբում Սև ծով, այնուհետև` այլ տարածաշրջաններ», – ասաց Ռեիսին։

Հայաստանի նախագահ Սերժ Սարգսյանը հուլիսի 9-ին,ելույթ ունենալով Ուֆայում ԲՐԻԿՍ և ՇՀԿ համատեղ գագաթնաժողովին, հայտարարեց, որ հայ–իրանական երկաթգծի կառուցումը Պարսից ծոցի միջոցով կապահովի ԵՏՄ երկրների ելքը դեպի Հնդկական օվկիանոս։

Գլխավոր թեմաներ