23:14 19 հունվարի 2017
Ուղիղ եթեր
Орнелла Мути

Օռնելա Մուտին տեղադրել է հայտնի IV դարի Գեղարդի վանքի լուսանկարները

© Sputnik/ Асатур Есаянц
Հայաստան
Ստանալ կարճ հղումը
834 0 0

Երևանի «Ոսկե ծիրան» միջազգային կինոփառատոնի պատվավոր հյուրը նաև տեղեկություն է հաղորդել Գեղարդի վանքի մասին։

ԵՐԵՎԱՆ, 25 հուլիսի– Sputnik. Հայտնի իտալացի դերասանուհի Օռնելա Մուտին, որը վերջերս Հայաստան էր այցելել որպես «Ոսկե ծիրան» միջազգային կինոփառատոնի պատվավոր հյուր, Facebook սոցցանցի իր պաշտոնական էջում տեղադրել է հայկական հայտնի միակուռ քարից կերտված IV դարի Գեղարդի վանքի լուսանկարները:

«Գեղարդի վանքը փորված է ժայռի մեջ», — այսպես է նա մակագրել տեղադրված լուսանկարները։

Գեղարդի վանքը միակուռ քարից կերտված երկհարկանի քարակերտ տաճարներից ու կից եկեղեցուց կազմված վանքային համալիր է։ Այստեղ է պահվել հայտնի գեղարդը, որով հռոմեացի զինվորը ծակել է Քրիստոսի կողը։ Վանքային համալիրը ՅՈՒՆԵՍԿՕ-ի համաշխարհային ժառանգության մաս է և Հայաստանի տեսարժան վայրերից մեկը։

Ըստ ավանդության՝ հիմնադրվել է քրիստոնեությունը Հայաստանում պետական կրոն հռչակվելու առաջին տարիներին (4-րդ դարի սկիզբ)։ Վանքի հիմնադրումը վերագրել են Գրիգոր Լուսավորչին։

Գլխավոր թեմաներ